#Язмалар 30 декабрь 2021, 12:42

Татарстанга "омикрон"лы ковид кайчан киләчәк?

30 декабрь 2021, 12:42

Әлегә республикада коронавирусның яңа штаммы ачыкланмаган иде. Күпләрне куркуга салган коронавирусның “омикрон” штаммы Татарстанга февраль аенда килеп җитәргә мөмкин. Татарстан сәламәтлек саклау министры урынбасары, Казан шәһәре Сәламәтлек саклау Идарәсе җитәкчесе Владимир Жаворонков шундый фаразын җиткерде.

Скопировать ссылку

Татарстанга "омикрон"лы ковид кайчан киләчәк?

“Омикрон” килгәнче табибларны ял иттерү максатыннан, күпләрен ялга җибәргәннәр. Билгеле булганча, республикада ковид госпитальләрдә 18 меңгә якын медицина хезмәткәре эшли.

“Моннан ике ел элек кенә әле бу кешеләр ковидның нәрсә икәнен дә белми иде. Беребезгә дә сер түгел, коронавирус йоктырганнарны терапевтлар гына түгел, башка юнәлештәге белгечләр дә дәвалады. Алар яңа белемнәр үзләштерде”, - диде Жаворонков.

Яңа штаммга килгәндә, белгеч аны “дельта”дан аермалы буларак, “йомшаграк” булыр дип өметләнүен яшерми.

“Омикрон”, “дельта”дан аермалы буларак бераз “йомшаграк” булыр дип фаразлана. Яңа штаммның авырлыгы күбрәк амбулаторияләргә төшәчәк. Чит илдәге хезмәттәшләребезнең фәнни чыгышларына таянып, стационарларга ихтыяҗ ул кадәр зур булмас дип өметләнәсе кала”, - диде сәламәтлек саклау министры урынбасары.

Кызыклы яңалыкларны күзәтеп бару өчен безнең МАХ каналына кушылыгыз.

#ковид, коронавирус, омикрон, жавронков