Республикада артык авырлыктан интегүче балалар саны арткан.
Скопировать ссылку
Республикада артык авырлыктан интегүче балалар саны арткан.
Соңгы биш ел эчендә республиканың 27 районында 0-14 яшьлек балалар арасында артык авырлыктан интегә торган балалар саны үсү күзәтелә. Мисалга, Алабугада мондый очраклар саны 37 тапкыр арткан. Теләче, Минзәлә, Тукай, Ютазы, Яшел Үзән районнарындагы балалар да артык авырлык буенча лидерлар рәтендә тора.
Ә 15-19 яшьлекләр арасында бу күрсәткеч 19 районда теркәлгән. Иң күп очраклар Минзәлә, Теләче, Яшел Үзән, Чистай, Әгерҗе районнарында ачыкланган. Россия Кулланучылар күзәтчелегенең ТР буенча идарәсе җитәкчесе Марина Патяшина бүген Татарстан Дәүләт Советында үткән комитет утырышында шундый саннар китерде.
Әлеге ведомство статистикасы буенча, 14 яшькә кадәр артык авырлыктан интегүче балалар саны 2016 елда 100 меә балага 255 туры килсә, 2020 елда бу сан 268 гә җиткән.
Комментарийлар