#Язмалар 13 сентябрь 2020, 11:34

Татарстанның төзәтү изоляторларында 100 процент тавыш биргәннәр

13 сентябрь 2020, 11:34

Бу хакта бердәм мәгълүмат үзәгендә узган матбугат очрашуында Татарстанда Кеше хокуклары буенча вәкаләтле вәкил Сәрия Сабурская хәбәр итте.

Скопировать ссылку

Татарстанның төзәтү изоляторларында 100 процент тавыш биргәннәр

- Хәзерге вакытта республиканың барлык тикшерү изоляторларында булып, сайлау хокукына ия булган гражданнары 100 процент тавыш бирде. Аларга барлык шартлар да тудырылган иде, - диде Сәрия Сабурская.

Вәкаләтле вәкил Казан психиатария хастаханәсендә булганлыгын да искәртте. Анда Сәрия Сабурская җинаять кылып, суд карары нигезендә дәвалану уза торган гражданнар белән аралашкан.

- Мин күбрәк хатын-кызлар белән аралаштым. Алар барысы да сайлау хокукыннан файдаланачагын әйтте, - диде вәкаләтле вәкил.

Әлеге төр учреждениедә 791 кеше исәпләнә. Аларның 659 ы сайлау хокукына ия. Шуны да билгеләп үтәргә кирәк: дәваланучылар арасында башка төбәк кешеләре дә бар.

Лилия ЛОКМАНОВА

Кызыклы яңалыкларны күзәтеп бару өчен безнең МАХ каналына кушылыгыз.