#Язмалар 20 февраль 2018, 11:20

Татарстанның яңа вице-премьеры билгеле булды

20 февраль 2018, 11:20

Бүген бишенче чакырылыш Татарстан Республикасы Дәүләт Советының 35нче утырышында Ләйлә Фазлыева Татарстанның Премьер-министр урынбасары итеп билгеләнде.

Скопировать ссылку

Татарстанның яңа вице-премьеры билгеле булды

Шулай итеп, Ләйлә Фазлыева Татарстанның тугызынчы вице-премьеры булды. Ул моңа кадәр Татарстан Президентының социаль мәсьәләләр буенча ярдәмчесе вазифасын башкарды.

Ләйлә Фазлыева 1975 елның 25 маенда Кыргызстанның Кант районы Кант авылында туган.

1997 елда Казан дәүләт университетытның рус филологиясе факультетын тәмамлаган. Казанның 126 мәктәптә рус теле һәм әдәбияты укытучысы булып эшләгән, тәрбия эшләре буенча директор урынбасары булган.

Казанның Совет районындагы 15 мәктәпнең директоры вазифасын башкарган.

2007-2011 елларда Совет районы администрациясе башлыгы урынбасары, 2011-2014 елларда Казан башкарма комитеты җитәкчесенең социаль мәсьәләләр буенча урынбасары, 2014 елның октябреннән Татарстан Президенты ярдәмчесе вазифасын башкарды.

Солтан Исхаков фотосы

Кызыклы яңалыкларны күзәтеп бару өчен Т елеграмга кушылыгыз.

#вице-премьер #Ләйлә Фазлыева #Премьер-министр урынбасары