Түбәтәй тегә беләсеңме?

Иң кызыклысы шунда: әлеге ысул ата бабаларыбыздан бүгенге көнгә килеп ирешкән кул белән эшләнә торган ысуллардан. 
Ямаширмә авылы - электән үзенең атаклы түбәтәй чигүчеләре, тегүчеләре, читек каючылары белән танылган авылларның берсе. Розалия апа да гомеренең зур өлешен түбәтәй чигүче хезмәтендә үткәргән оста. Аның түбәтәйләре бүгенге көндә дә эшләнешенең нәфис, чигелешенең нәзәкатъле булуы белән аерылып торалар. Бу видеоязманы карап, теләгән бар кеше татар түбәтәен тегәргә һәм аны алтын җеп белән бизәргә дә өйрәнә ала.