16+

Тәрәзә төбендә үсенте үстерүне тыялар?

“Өйдә тәрәзә төбендә үсентеләр үстерергә ярамый дигән закон чыккан икән. Ике-өч атнадан борыч, помидор орлыклары чәчәргә җыенган идек, хәзер нишләргә?” Соңгы ике көндә редакциягә берничә кеше шундый сорау юллады.

Тәрәзә төбендә үсенте үстерүне тыялар?

“Өйдә тәрәзә төбендә үсентеләр үстерергә ярамый дигән закон чыккан икән. Ике-өч атнадан борыч, помидор орлыклары чәчәргә җыенган идек, хәзер нишләргә?” Соңгы ике көндә редакциягә берничә кеше шундый сорау юллады.

Бу яңалыкны алар интернеттан укыган икән. Социаль челтәрләрдә чынлап та шундый хәбәрләр бар. Имештер, Дәүләт Думасы «Һәвәскәр бакчачылык һәм яшелчәчелек өчен утырту материалы әзерләү шартлары турында»гы законны өченче укылышта кабул иткән. Әмма интернетта мондый эчтәлектәге закон гомумән юк. Бактың исә бу хәбәрне сатирик басма тараткан. Тик анда “чынбарлыкка пародия, реаль яңалык булып тормый “ дигән кисәтү дә бар. Без күп вакытта шул баштагы җөмләне укыйбыз да, шуннан нәтиҗә чыгарып куябыз шул.

Узган ел азагында исә “Орлыкчылык турында”гы яңа закон кабул ителгән булган. Ул 2023 елның 1 сентябреннән гамәлгә керәчәк. Закон авыл хуҗалыгы үсемлекләре орлыкларын җитештерү, саклау, транспортировкалау, сату һәм куллануга карата таләпләрне билгели. Россия Ветеринария һәм фитосанитария күзәтчелеге Федераль хезмәтенең Татарстан буенча идарәсе фитосанитария күзәтчелеге бүлеге башлыгы Альберт Кадыйров сүзләренчә, бу үзләре өчен үсенте әзерләүче бакчачыларга кагылмый. Ягъни элекке кебек яшелчә орлыкларын җыярга һәм үсентеләр үстерергә ярый. Әмма аларны сатмаган очракта гына. Сатарга дип үстерсәң, үсентеләреңнең сортын һәм сыйфатын күрсәткән документларыңны күрсәтәсе була.
– Узган ел да бакчаңа үз бәрәңгеңне утыртырга ярамый, махсус кибеттән сатып алырга кирәк дигән сүз таралган иде. Аны да дөрес аңламаучылар булды. Чынлыкта сүз бәрәңгене сату өчен җитештерү турында бара иде. Үзең өчен үстерсәң, үз орлыгыңны да кулланырга ярый, – ди Альберт Кадыйров.  

Реклама

“Россия авыл хуҗалыгы үзәге”нең Татарстан буенча филиалы җитәкчесе урынбасары вазифаларын вакытлыча башкаручы (үсемлекләрне яклау буенча) Любовь Занина да яңа керәчәк законның үзләре өчен үсенте әзерләүче физик затларга кагылмавын әйтте.

Фото: https://pixabay.com/ru

Язмага реакция белдерегез

1

0

0

0

0

Реакция язылган инде

Комментарийлар

Мөһим

loading