Тузганак баса дөньяны. Бәхет басармы?

Сары тузганак чәчәкләре басты бит дөньяны, соңгы елларда бигрәк тә аяк басарлык та урын юк. Без аны бакчада  ел саен төбе-тамыры белән казып алып атабыз да, аның каравы урамнар, юл буйлары, болын-үзәнлекләр тулды. Хәтта капка төпләре сары келәмгә әйләнде. Чәчәк атканда матурлыгы! Көнбагыш  чәчкән кырларың бер кырыйда торсын.

Үләнче Фирая Захарова аны чүп үләне дип санаудан тыш, файдасы да шактый дип саный да соң... Тузганаклар A, C, E, K витаминнарына, кальцийга, тимергә, магнийга һәм антиоксидантларга бай. Алар ашказанны дәваларга, иммунитетны ныгытырга, бавыр сәламәтлеген сакларга һәм организмнан токсиннарны чыгарырга ярдәм итә, ди. Шулайдыр. Халык әнә балын кайната, тәмле имеш. Элек, аны берәмләп җыялар иде кайтнатмага, хәзер әнә бил бетереп ятасы юк, чалгы белән чапмалы.

Арчаның элеккерәк еллардагы хакимият башлыгы бер дә яратмый иде тузганакны. Бюджетта эшләүчеләрне берәмләп җыярга чыгара иде дип сөйлиләр шул өмәгә йөрүчеләр. Ул елларда иркенәя алмады да тузганак. Күрәсең, бүген аңа элеккеге җитәкченең каты кулы җитми бугай... Болай булса, дөньясы тоташ тузганакка төрелмәгәе дип куркам. Бәхетеннән дә аермасын!