#Язмалар 05 май 2022, 11:26

Ундүрт яшьлекләр дә үз сүзләрен “өлкәннәр” кебек әйтә ала

05 май 2022, 11:26

Россиядә “Торак һәм шәһәр мохите” илкүләм проекты нигезендә, 30 майга кадәр җәмәгатьчелек мохите, шул исәптән, ишегаллары өчен тавыш бирү дәвам итә. Татарстанның Төзелеш, архитектура һәм торак-коммуналь хуҗалык министрлыгы мәгълүматларына караганда, республикада инде 120 меңнән артык кеше тавыш бирергә өлгергән. Ундүрт яшьлекләр дә үз сүзләрен әйтә, ягъни, тавыш бирә ала.

Скопировать ссылку

Ундүрт яшьлекләр дә үз сүзләрен “өлкәннәр” кебек әйтә ала

“Торак һәм шәһәр мохите” илкүләм проектының “Уңайлы шәһәр мохитен формалаштыру” проекты кысаларында, 2023 елдагы төзекләндерү планына Татарстаннан 204 җәмәгатьчелек мохитен (Казанда 27 объект) тәкъдим итеп була. Шулай ук, бик бетәшкән 200 ишегалдын 2023 елдагы төзекләндерү планына чиратсыз “этеп-төртеп” кертергә мөмкин. Моның өчен “бетәшкән ишегалдының” күп тавыш җыюы кирәк. “Безнең ишегалды” республика программасы координаторы Венера Камалова әйткәнчә, әгәр үзегез яшәгән йорт ишегалды яңа яки төзекләндерелгән икән, бу очракларда әти-әниегез, туганнарыгыз, дусларыгыз яшәгән йорт ишегалды өчен тавыш бирергә рөхсәт.

Җәмәгатьчелек мохите һәм ишегаллары өчен тавыш бирү Татарстанның дәүләт һәм муниципаль хезмәт күрсәтүләр порталы, шулай ук “Услуги РТ” мобиль кушымтасы аша башкарыла.

“Главтатдортранс” дәүләт казна учреждениесе генераль директорының беренче урынбасары Александр Куканов таныштырганча, республикада быел 1212 ишегалды яңартыла, әлеге эшне үтәп чыгу өчен 7 миллиард сум тәгаенләнгән.

— 108 ишегалдында төзү-төзекләндерү эшләре старт алды инде,-ди Александр Куканов.

Татарстанда соңгы ике елда 2167 ишегалды төзекләндерелгән.

Фото: https://tatar-inform.tatar/

Кызыклы яңалыкларны күзәтеп бару өчен безнең МАХ каналына кушылыгыз.

#илкүләм проект #национальные проекты #нацпроекты #национальный проект