#Язмалар 25 декабрь 2019, 16:00

Яңа елны карсыз каршы алырбызмы?

25 декабрь 2019, 16:00

Урамда 5-10 градус суык. Декабрь аенда мондый һава торышын күрү гаҗәп. Өстәвенә кар да юк. Синоптиклар бу ялларда кар төшәр дип вәгъдә итә итүен, тик ул Яңа ел киченә кадәр торырмы, Аллаһ белсен. 31 декабрьдә дә әллә ни суыклар булыр, дип көтелми.

Скопировать ссылку

Интернет чыганакларга караганда, ул көнне 4-8 градус суык көтелә. Ә менә моннан 40 ел элек Татарстанда иң көчле суыклар теркәлгән. 1979 ел башында 55 градуска кадәр салкын күзәтелгән.

Ул чакларны хәтерләгән кешеләр бүген дә суыкларны куркыныч төш кебек искә ала. Казанда күп җирдә суыктан торбалар шартлаган, кешеләр автобуста туннары катып калганга, утыргычларга утыра алмаган, басып кына барганнар. Трамвайлар туктап калган. Хәтта опера театрында булырга тиешле бәйрәм чарасына да берничә кеше генә килгән.

Концертны башка көнгә күчерергә туры килгән. Ул елны алмагачлар, чияләр корыды, дип искә алучылар да бар.

Кызыклы яңалыкларны күзәтеп бару өчен безнең МАХ каналына кушылыгыз.

#погода #Яңа ел #кар #яңа ел киңәшләре