"Янып беткән йортының нигезен әбиебезгә күрсәтергә дә куркабыз"

 – Янгынны күрше урамдагы Рушан абый күреп калып, ишекләрен бик каты шакыган. Апа тавышка уянып, әби белән чыгып котыла алганнар. Үзләре белән документларны да алырга өлгергәннәр. Рушан абыйга бик зур рәхмәт, апабыз белән әбиебез исән калды, – дип сөйләде безгә Гөлсәхрә әбинең оныгы Сиринә.
Янгын күршеләре Илнар Яруллинның хуҗалыгына да күчкән. Аларның гаражы, мал йорты, сарайлары янып көлгә әйләнгән. Янгын сүндерүчеләр өйне саклап кала алганнар. Мал йортларында берничә сарыклары, тавыклары да булган. Гараж каршында торган машинаны тизрәк күчереп куйганнар. 
– Кышка кергәндә менә шундый хәлгә тап булдык. Янгын чыгарга бер сәгать кала әби үзе дә уянган булган. Бернинди хәвеф буласын да сизмәдем ди. Ә менә гомер буе җыйган, төзегән, булдырган хуҗалык урынында бүген берк ойма утырып калды. Әбигә нигезен күрсәтергә дә куркабыз, буш җирне күреп йөрәге күтәрмәс дибез. Балалары шул авылда булса да, аларга килгәч тә кунып калмыйча, үз йортым – үз ятагым, дип, өенә ашыга иде, – ди Сиринә.
Ярдәм итәргә теләүчеләр акчаны Сбербанк 4276 6200 1571 1629 (получатель Ахмиева Алия Ануровна – әбинең кызы) һәм Акбарс 5209 8594 2540 9957 (получатель Ахмиева А.А.) карталарына күчерә ала. Кеше кайгысына битараф булмасак иде.