Яшел Үзән шәһәр паркы әкияттәгедәй, тылсымлы урманга әверелгән.
Агачлар кабыгында җәнлек һәм кош рәсемнәре барлыкка килгән. Әлеге сурәтләрнең авторы - рәссам-реставратор Лия Ерхонина. Тиздән агачларның берсендә ТАССР эмблемасы барлыкка киләчәк, дип хәбәр иттеләр безгә Яшел Үзән район хакимияте матбугат хезмәтендә.![](/images/uploads/ckeditor/png/5edf89f72095a_image-20200609160910-7.png)
Рәссам мондый үзенчәлекле күренешләргә Саратов шәһәрендәге паркларның берсендә тап булган.
- Идеяларымны узган елда ук Яшел Үзәндә тормышка ашырмакчы идем, ләкин үзем мондый адымга барырга җөрьәт итмәдем, ә быел җәмәгать урыннарында йөрүчеләр аз, бу - иҗади кешеләр өчен мөһим, - дип билгеләп үтә Лия Ерхонина.![](/images/uploads/ckeditor/png/5edf8994ab665_image-20200609160731-2.png)
Ул үзе хезмәт куйган төбәкне өйрәнү музее җитәкчелегенә мөрәҗәгать иткән. Аның идеясы хуплау тапкан. Рәссам инде төлке, балык, керпе, ябалак, бүре сурәтләрен ясарга алынган.![](/images/uploads/ckeditor/png/5edf89a09e5ec_image-20200609160743-3.png)
Хәзерге вакытта Лия шәһәр үзәк паркында агачларның берсендә ТАССР эмблемасын төшерә.![](/images/uploads/ckeditor/png/5edf8ee562a0a_image-20200609163012-1.png)
![](/images/uploads/ckeditor/png/5edf89c752c24_image-20200609160822-5.png)
Хезмәтендә Ерхонина акрил буявын куллана, ул бөтенләй зыянсыз, алай гына да түгел, агачны бөҗәкләрдән саклый. "Экологияне дә саклыйбыз, шәһәр халкы өчен матурлык та тудырабыз", - дип өсти рәссам.![](/images/uploads/ckeditor/png/5edf89d3bd863_image-20200609160835-6.png)
Комментарийлар