"Зияраттан фотолар юкмы дип сорыйлар..."

Руслан Габитовның хатыны Луиза вафат булган дип хәбәр иткән идек. Бу хакта "Тәртип" радиосының алмаштыргысыз җитәкчесе Ризәлә Исмәгыйлева язган иде. Луизаны күмеп кайтканнан соң, ул үз инстаграмына үзәкләрне өзгеч тагын бер хәбәр язды. Укыйк әле. Уйланыйк...

"...Тормыш шундый матур...һәм кыска...⁣⁣⠀

Бүләк итеп кенә бирелгән һәр көнебезне кешечә үткәрергә язсын җаныйларым!...⁣⁣⠀

...Ни кызганыч, мондый фикерләр зиярат капкасын чыккач ук булмаса да, онытыла... ⁣⁣⠀

...зияраттан фотолар юкмы дип сорыйлар...⁣⁣⠀

Соңгы юлга озаткан җирләрдән фото кую (хәтта мәрхүмнәрнең йөзләрен төшерү) кирәкмәгән бер модага әйләнде кебек.⁣⁣⠀

Кешеләрнең Исән чактагы, матур рәсемнәрен куегыз, куйсагыз да!...⁣⁣⠀

...нигә миңа фото...⁣⁣⠀

...Үсмер яшендә әнисез калган, дәү әнисенең, әтисенең, энэкәшләренең төп ярдәмчесе булган Ралинә...

Әнисенең кабере янында әтисе белән янәшәдә басып торган, күзгә күренеп олыгайган 11 яшьлек Аяз...⁣⁣⠀

Киләсе елга әнисе белән җитәкләшеп мәктәпкә барырга җыенган (нәни Тукайны хәтерләткән) әлеге хәсрәтнең ачылыгын әле бик аңлап та бетермәгән, түбәтәен кырын салып әле әтисе, әле Дәү әнисе, әле апасы янына килеп сыенучы нәни Ризван...

Олыгаеп, чаларган, чын ирләрчә сабырлыгын югалтмаган, беркайчан зарлана белмәгән, 3 баласына әти дә, әни дә булып калган Руслан...⁣⁣ 

40 яшьлек алма кебек кызын җир куенына салган әни кеше...⁣⁣⠀

- Миңа бит инде 82 яшь, нигә мин китмәдем,- дип өзгәләнүче Дәү әни...⁣⁣

Болай да мәңге күз алдыннан китмәячәк...⁣⁣⠀

Ә сез фото сорыйсыз...⁣⁣⠀

Талантлы музыкант Луиза Варис кызына Чын күңелдән дога кылыйк!⁣⁣⠀

Якыннарына саулык, сабырлык сорыйк!⁣⁣⠀Хәлдән килгәнчә ярдәм итик".

P.s.: Һәркайсыбызга үз балаларыбызны үзебез үстерергә, хәсрәтләрсез, югалтуларсыз гомер кичерергә язсын! Русланның Сбербанк картасы +79172945835 номерына беркетелгән. Карта Русланның кызы Ралинә Габитова исеменә ачылган.