“Зур бизнес кына алып барып калмыйча, татарлыкны сакларга тырышасыз”

- Бер күрешү – үзе бер гомер. Унбер ел дәвамында ел саен очрашып торабыз, аралашабыз, уңай фикерләрне башкаларга җиткерергә тырышабыз. Әлбәттә, глобашьләшү чорында безгә бергә булырга кирәк. Татар халкы, теле, дине югалыр дигән бернинди борчу юк. Сезне күргәч, ничектер күңелләр күтәрелә. Татар халкы Россия илендә үзен матур яктан күрсәтә. Үз көчегез белән зур бизнеслар гына алып барып калмыйча, татарлыкны сакларга тырышасыз, гореф-гадәтләрне киләчәк буыннарга җиткерәсез. Рәхмәт сезгә шуның өчен. Киләчәктә дә шундый булыгыз, - дип мөрәҗәгать итте Рөстәм Миңнеханов сүезд кунакларына.
XI Бөтенроссия татар авыллары эшмәкәрләре җыенына Россиянең 47 төбәгеннән һәм 5 чит илдән 506 делегат килгән иде.