Бүләк бирә күрмәгез!

«Сезнең зоопаркта ак арысланнар юк, ә без үзебезнең Фрэнкны сезгә бүләк итәр идек», - диләр егетләр. Фрэнкка 5 яшь, аның бәясе - 50 мең евро. Фрэнкны урнаштырасы килүләренең бер сәбәбе - аның гадәттән тыш юаш холыклы булуында. Цирктагы иң карт тигрга да инде 25 яшь икән. Тиздән пенсиягә чыгачак хайванны да яхшырак җиргә урнаштырырга кирәк булачак әле. Ә тоткынлыкта тигрлар гадәттә 10 елдан артык яшәми икән.
«Ак арыслан - безнең хыял. Әмма аңа яраклы вольерыбыз булмау сәбәпле, ул шулай хыялда гына калыр инде», - ди Казан зоопаркы директорының гомуми мәсьәләләр буенча урынбасары Гүзәл Горбанева. Ә Запашныйларның бу төп шарты. Фрэнкны алар зоопаркка аңа кар барсына тудырылган кебек шартлар булганда гына бирәчәкләр.