Бозыла башлаган сыйфатсыз ризыкны бәясен төшереп сату рөхсәт ителәме?

Безнең яндагы кибеттә бозыла башлаган сыйфатсыз яшелчәләрне, җиләк-җимешләрне арзанрак бәядән саталар. Аларны куллану ышанычлымы?

Дамира Нуруллина, Казан.

Татарстан буенча Роспотребнадзор идарәсе җитәкчесе Марина Патяшина:
- Бу ризыклар кешенең сәламәтлегенә куркыныч тудыра һәм сыйфатсыз булып санала, шуңа да аларны арзан бәядән сату кагыйдә бозуга керә. Бу очракта әлеге товарны фотога төшереп, Роспотребнадзор идарәсенә шикаять белән мөрәҗәгать итә аласыз, шулай ук бу хакта кибеттәге персоналга әйтергә, шикаятьләр кенәгәсендә язып калдырырга була.