"Бүтән күрешмәячәгебезне сизде, саубуллашканда бу хакта әйтте"

Булат Шакировны соңгы юлга озатырга Иске Кыязлы авылы гына түгел, ә тирә-як авыллар халкы, хезмәттәшләре җыелды. Хушлашу матәме авыл мәдәният йортында узды.

Булат 2002 елның 21 гыйнварында Иске Кыязлы авылында дөньяга килә. 2017 елда Иске Кыязлы мәктәбенең тугыз сыйныфын тәмамлый һәм Казан энергетика көллиятенә укырга керә. Электрик һөнәренә укып, белгечлеге буенча Алексеевск су каналында эшли.

2022 елның апрелендә ул махсус хәрби операциядә хәрби хезмәт үтү өчен үз теләге белән контракт төзи.

29 апрельдән мотоукчылар батальонының миномет батареясы взводының миномет расчеты номеры вазифасында хезмәт итә башлый. Хезмәт вакытында берничә тапкыр бүләкләргә лаек була, Батырлык ордены белән бүләкләнә.

2022 елның гыйнварында Булат җитди яралана. Әмма операциядән һәм тернәкләнү узганнан соң яңадан сафка кайтырга карар кыла.

2 мартта Булат Шакиров хәрби биремне үтәгәндә һәлак була.

Һәлак булган сугышчының әнисе Рәйсә Зиннәтулла кызының һәм якыннарының кайгысын уртаклашып, район башлыгы Камил Гилманов Булатның махсус операция башланганда беренче иреклеләр арасында булуын билгеләп үтте. Ул вакытта аңа 20 яшь кенә тулган була һәм ул әнисенә: “Әгәр мин бармасам, Ватанны кем яклаячак?” – ди.

– Яшьләр Ватанны саклауга күтәрелделәр! Бу бәрелешләрдә корбаннарсыз булмый, без сугышчыларыбызны, селек кебек егетләребезне югалтабыз һәм бу безнең һәрберебез өчен зур кайгы. Булат үз Ватанының чын патриоты булган. Яраланганнан соң да ул яу кырына кире кайтырга ныклы карар кабул иткән. Безнең якташыбыз Украинаның Артемовск шәһәре өчен барган сугыш хәрәкәтләре вакытында махсус операция барышында һәлак булды. Булатның әнисенең, аның туганнарының һәм якыннарының авыр кайгыларын уртаклашабыз, – диде район башлыгы.

Үзәк хәрби округ инспекторы Анатолий Молоствов, Чирмешән һәм Аксубай районнары хәрби комиссары Сергей Иванов, Иске Кыязлы урта мәктәбенең элеккеге директоры Искәндәр Мөгыйнов сугышчының гаиләсенең авыр кайгысын уртаклаштылар.

Сугышчан иптәшләре белән хушлашырга хезмәттәшләре дә килгән. Алар Булат Шакировның хезмәттәшләре арасында иң яше булуына карамастан, аның нинди ышанычлы иптәш һәм чын дус булуы турында сөйләделәр.

– Әнисенә бик зур рәхмәт! Сез чын герой тәрбияләп үстергәнсез! – дип билгеләп үттеләр гаиләнең авыр кайгыларын уртаклашып, һәлак булган сугышчының иптәшләре. Ул хәрби бурычларны куркусыз үти һәм төгәл максатлар куя иде. Без барыбыз да ни өчен андамы? Бу явызлык Россиягә килмәсен өчен! Монда барысы да тыныч яшәсен өчен!

– Булат Һава-десант гаскәрләрендә хезмәт итәргә теләде. Ләкин сәламәтлеге аркасында ул анда бара алмады. Ул практик ату белән шөгыльләнде. Һәрвакыт җәмгыятькә файдалы булырга, кешеләргә игелек эшләргә теләде, – дип сөйләде хушлашу матәмендә геройның әнисе Рәйсә Зиннәтулла кызы Шакирова.-  Яраланганнан соң мин аңардан бер көнгә генә булса да өйгә кайтуын сорадым. Ләкин аны үгетләү мөмкин түгел иде. Булат бүтән күрешмәячәгебезне сизде, саубуллашканда бу хакта әйтте. Улымны кире кайтарып булмый. Менә монда Батырлык ордены ята, исән чагында мондый бүләкләрне бик аз кеше ала. Район администрациясенә, туганнарга, авылдашларга, бергә укыган сыйныфташларына, бергә эшләгән хезмәттәшләренә бик зур рәхмәт – барысы да кайтты, танышлар, чит кешеләр. Бу барлык әниләр, хатыннар, безнең һәрберебез өчен авыр хәсрәт, борчу. Барысы да тизрәк тәмамлансын иде.

Фото: Аксубай