#Җәмгыять 17 август 2020, 09:15

Челтәрле бизнес нинди шартларда хәләл? Рамил хәзрәт Юныс җавабы

17 август 2020, 09:15

“Иске таш мәчете” имам хатыйбы Рамил хәзрәт Юныс социаль челтәрдәге үз сәхифәсендә күпләрне борчыган сорауга җавап бирде. Сүз бүгенге көндә киң үсеш алган челтәрле маркетинг турында бара.

Скопировать ссылку

“Беренчедән, шуны әйтергә кирәк, челтәрле сату ваклап сатуга тиң. Ул үзен үстерү өчен реклама кулланмый, димәк, акча янга кала.

Ләкин челтәрле маркетинг хәләл булсын өчен, ул берничә шартларга туры килергә тиеш:

1. Сез тәкъдим иткән продуктта исламда тыелган ингредиентлар булырга тиеш түгел.
2. Продукт югары сыйфатлы булырга тиеш.
3. Компаниядә эшләүче кеше продукцияне сатудан тыш, компаниянең эшчәнлеге, товарларның составы турында белергә һәм үзе дә шушы товарларны кулланырга тиеш.

Әгәр бу шартлар үтәлә икән, челтәрле бизнеста эшләнгән акчалар хәләл булачак. Ягъни бу юл белән акча эшләү рөхсәт ителә.

Аллаһы Тәгалә һәркемгә башлаган эшендә рәхим-шәфкатьле булсын, хәер-фатихасын бирсен! Аллаһының ризалыгын алу өчен яшәгез һәм үсегез!” - дип язган Рамил хәзрәт Юныс.

Кызыклы яңалыкларны күзәтеп бару өчен Т елеграмга кушылыгыз.

#хәләл #рамил юныс #"Алма спасы" #челтәрле бизнес