«Элек халык өмәләргә бәйрәмгә барган кебек йөргән, ә хәзер экологик культура җитеп бетми» (ФОТОЛАР)

Ни кызык, бер гасыр элек булган экологик проблемалар Казан өчен бүген дә актуальлеген югалтмаган. Шәһәр үзәгеннән узган Болак елгасын гына алыйк. 1890 елларда халык аннан су эчүгә карамастан, ул бик пычрак хәлдә булган. Аның экологик халәте документлар белән теркәлгән. Черек күл дә шәһәрнең иң пычрак территориясе булган. Бүген дә парк төзекләндерү өчен үз чиратын көтеп ята. XIX гасырның 70нче елларында Казанның тугыз бакчасы булган, аларны арендаларга мөмкинлек бирелгән. Шул ук вакытта шәһәр санитар табибы дигән вазифа барлык­ка килгән.

- Документлар белән танышып чыккач, шундый нәтиҗәгә килдем: 60-70нче елларда халык өмәләргә бәйрәмгә барган кебек йөргән. Шәһәрне чистарту эшләре тәмамлангач, чәй эчкәннәр, концерт чаралары, музыкаль кичәләр оештырганнар. Хәзер халык аларга теләмичә генә йөри. Гомумән, кешенең экологик культурасы түбәнәйде. Әйләнә-тирәбезнең чисталыгы үзебездән тора бит, - ди Татарстан Республикасының Архив эше буенча дәүләт комитетының документларны куллану һәм саклау бүлеге баш белгече Гүзәл Ганиева.

Күргәзмә апрель ахырына кадәр дәвам итәчәк. Керү ирекле.

Алисә Сабирова, Илдар Мөхәммәтҗанов фотолары