Илсур Метшин: «Мөһим бурычлар куелган юлламада шәһәрнең иҗтимагый мохитенә аерым игътибар юнәлтелүе сөендерә»

Илсур Метшин, Казан шәһәре мэры:

- Бик масштаблы, мөһим бурычлар куелган юлламада шәһәрнең иҗтимагый мохитенә аерым игътибар юнәлтелүе сөендерә. Башкарган эшләр буенча халыктан кайтаваз бар. Эшлисе эшләр җитәрлек. Ишегалларына килгәндә, быел планның 60 процентын үтибез, шуңа да бу программаның киләсе елда да дәвам ителәчәге мөһим. Сырхауханәләр төзелеше буенча аерым рәхмәт әйтәсе килә. Бу дистәләгән еллар буе көтеп алган программа. Халыкның 80 проценты беренчел медицина ярдәме алыр өчен беренчел звенога мөрәҗәгать итә. Юлламада "Игелекле Казан" проекты хакында да телгә алынды. Капиталь ремонт, социаль объектлар, төзелеш белән беррәттән балалардан алып халык фикеренә дә игътибар бирәчәкбез икән, без башка шәһәрдә, башка мохиттә яшәячәкбез дигән сүз. Ул чакта башкалабыз уңайлы, төзек, куркынычсыз, һәм тагын әле игелекле дә булачак.