«Изге» һәм аракы турында

Татарстанның көнчыгыш районнары­на барырга юлга чыктык. Әлмәт районы Габ­драхман авылы аша үтеп барабыз. Зур, төзек авыл, олы юл буйлап кибетләр тезелгән. Бер кибет игътибарны җәлеп итте, дөресрәге, кибетнең исеме сискәндерде: «Изге» дип атаган аны хуҗасы. Теләге шундый булгандыр инде кешенең, бәлки үзен изге кешегә саныйдыр. Тик менә кибет рекламасындагы: «Магазин «Изге». Продукты, Хлеб, Водка» дигән язу бөтенләй башны бутады. Изге кибеттә сатыла торган аракы да изге буламы икән ул, ә? Алдың, салдың, шундук үзең дә бераз изгеләнеп китәсеңме?