Казанда Аеклар көнен билгеләп үттеләр
Узган ял көнендә Казанның Черек күл паркы гөр килде. Балалар, яшь парлар, гаиләләр рәхәтләнеп ял итә алды ул көнне. Биредә Аеклар көнен билгеләп үттеләр. Әлеге бәйрәм инде унбишенче тапкыр уздырылды.
Узган ял көнендә Казанның Черек күл паркы гөр килде. Балалар, яшь парлар, гаиләләр рәхәтләнеп ял итә алды ул көнне. Биредә Аеклар көнен билгеләп үттеләр. Әлеге бәйрәм инде унбишенче тапкыр уздырылды.
Бәйрәмнең максаты - сәламәт яшәү рәвешен пропагандалау, «ял спиртлы эчемлекләрсез кызык үтми» дигән ялгыш фикерне юкка чыгару һәм алкогольсез дә менә дигән итеп ял итеп булганлыгын дәлилләү. Мондый ял кешене ныгыта, көчле итә. Бу исә аның профессиональ эшчәнлегендә дә чагылыш таба. Аек булганда гына сәламәт, бәхетле һәм тулыканлы тормышка ирешеп була.
Чараны оештыручылар максатларына ирешә алды: бу көнне бәйрәмгә килгән һәр кеше рәхәтләнеп ял итте, күңел ачты. Теләгән кеше спорт ярышларында, тарихи-интеллектуаль һәм иҗади уеннарда катнашты, шулай ук мастер-класслар да оештырылган иде. Бию коллективларының чыгышларын, жонглерларны да карап ял иттеләр. Конкурсларда катнашкан өчен, балаларга бәйрәм акчасын - «соловушки» (Казан Аеклар җәмгыятенең рәисе А.Т.Соловьев хөрмәтенә шулай атала) өләштеләр. Соңрак балалар аны истәлекле сувенирларга алмаштыра алды.
Кызыклы яңалыкларны күзәтеп бару өчен Телеграм-каналга кушылыгыз.
Комментарийлар