Казанда Яңа ел ярминкәләре башлана

26 декабрьдән алып 13 гыйнварга кадәр Казанда сувенирлардан торган Яңа ел ярминкәләре узачак. Биредә Татарстан Республикасы халык сәнгате осталарының иң яхшы эшләре тәкъдим ителә. Ярминкәне оештыручылар - ТР Һөнәр палатасы хәбәр иткәнчә, ярминкә барышында һәр кичне Яңа ел тамашасы куелачак. Ярминкә Островский урамында үтәчәк. Моннан кала, Яңа ел ярминкәсе «Казан ярминкәсе» күргәзмә үзәгендә дә узачак. Биредә эксклюзив бүләкләр, Яңа ел декоры, уенчыклар, пиротехника, битлекләр, әкият костюмнары тәкъдим ителәчәк.