«Премиум»да исерекләрне айныталар
Узган атнада башкалабызда «Премиум» төбәкара тернәкләндерү үзәгендә Ачык ишекләр көне булып үтте. Ул көнне бирегә килгән һәр кеше теләгән очракта белгечләр тарафыннан бушка аноним консультация уза алды.
Узган атнада башкалабызда «Премиум» төбәкара тернәкләндерү үзәгендә Ачык ишекләр көне булып үтте. Ул көнне бирегә килгән һәр кеше теләгән очракта белгечләр тарафыннан бушка аноним консультация уза алды.
«Премиум» - хәмер, наркомания белән бәйле булган төрле физик һәм психологик проблемаларны хәл итү юнәлешендә эшләүче, заманча җиһазландырылган төбәкара дәвалау-тернәкләндерү үзәге ул.
Ачылыш тантанасында чыгыш ясаган психиатр-нарколог, психотерапевт, үзәкнең генераль директоры Эдуард Абрамов «Премиум»ның башка медицина үзәкләреннән төп аермасы - психологик яктан тернәкләндерү методикасының әһәмияте хакында сөйләде.
Ачык ишекләр көненә килгән халык Казанда урнашкан Төбәкара тернәкләндерү үзәгенең яңа палаталары, дәвалану-тернәкләндерү чаралары, берәмләп һәм төркемләп психотерапия уздыру, процедура бүлмәләре белән таныша алды.
Без тормышта нинди генә очрак булса да - алкоголизм, наркомания булсынмы ул, профессиональ психотерапевтларга, гомумән, табибларга мөрәҗәгать итүдән читләшәбез. «Чирен яшергән - үлгән», - ди бит татар халкы.
Кызыклы яңалыкларны күзәтеп бару өчен Телеграм-каналга кушылыгыз.
Комментарийлар