16+

Сайлауларны юрфак студентлары күзәтәчәк

«Сайлауларның ни дәрәҗәдә гадел үтүенә бездәге яшьләрдән дә төгәл җавап бирә алучы булмас», - диде Илшат Гафуров, УНИКСның кече актлар залында КФУның III-V курсларында укучы юридик факультет студентлары белән үткәрелгән очрашуда.

Сайлауларны юрфак студентлары күзәтәчәк

«Сайлауларның ни дәрәҗәдә гадел үтүенә бездәге яшьләрдән дә төгәл җавап бирә алучы булмас», - диде Илшат Гафуров, УНИКСның кече актлар залында КФУның III-V курсларында укучы юридик факультет студентлары белән үткәрелгән очрашуда.


«Гадел сайлаулар өчен» Бөтенроссия ирекле күзәтүчеләр проектының ТР буенча координаторлары - Станислав Александров, Илнар Гирфанов һәм Эльвира Вагыйзовалар күзәтүчеләр корпусының презентациясен үткәрде. Район башлыкларына сайлаулар барышында ирекле күзәтүчеләргә уңайлы шартлар тудыру, туклану белән тәэмин итүне үтенеп, хатлар җибәрелгән булган. Күбесеннән инде уңай җаваплар да алынган.
Очрашуда КФУректоры Илшат Гафуров һәм юридик факультет деканы Илдар Тарханов катнашты. Ректор үз чыгышында, ахырдан канәгатьсезлек тумасын өчен, актив гражданлык позициясе күрсәтергә чакырды. Ул вуз администрациясе тарафыннан кулыннан килгәнчә ярдәм итәчәген белдерде: участокка вакытында барып җитү өчен транспорт белән ярдәм итү ягын һәм президент сайлаулары вакытында дәрес калдыруның балл-рейтинг системасына тәэсир итмәячәген көйләячәген җиткерде, шулай ук координаторларга әзерлек һәм оештыру эшләре барышында үзе чыгыш ясаган УНИКС залын тапшырачагын әйтте.
Координаторлар исә, ирекле күзәтүчеләр сафына кушылыр өчен, ниләр эшләргә икәнен аңлатты, студентларның сорауларына җаваплар бирде. Ирекле күзәтүче булачак студентларны Татарстан буенча үзләренә уңайлы участокларга билгеләргә тырышачаклар. Инде сайлауларда күзәтүче булырга биш йөздән артык студент теләк белдергән дә.

Язмага реакция белдерегез

0

0

0

0

0

Реакция язылган инде

Комментарийлар

Мөһим

loading