Скутерларга ирек бетә

Россиядә быелның ноябрендә №92-Ф3 санлы канун гамәлгә куелачак. Әлеге Федераль закон нигезендә скутер йөртүчеләр дә транспорт чарасын идарә итүгә рөхсәт бирүче М (мопед) категориясендәге таныклык алырга мәҗбүр булачаклар. Россия Дәүләт Думасының транспорт буенча комитеты инде хәзердән үк 5 ноябрьгә кадәр скутерларда һәм мопедларда йөрүне туктату мәсьәләсен парламент каравына чыгарырга җыена. Балигъ булмаган, шулай ук таныклык алмаган кешеләргә скутер һәм мопедларны йөртү рөхсәт ителмәячәк.