Суыта...

Интернетта, Япониядә сакуралар чәчәк атты, дигән хәбәр чыккан. Киләсе атнада анда бөтен урам-парклар сакура чәчәгенә күмеләчәк икән. Сакура чәчәк ату ул японнар өчен яз килүне хәбәр итә. Ә менә бездә яз әле тоткарлана. Инде тәмам җылытты, дип торганда гына, көннәр кабат суыта башлады. Бүген көндез һава температурасы 0 С тирәсендә генә булачак. Шимбә төнлә минуска күчәчәк. Термометр баганасы -8не күрсәтәчәк. Ял көне дә җылылык шуның кадәр генә булачак, дип вәгъдә итә безгә синоптиклар. Мартның соңгы көнендә салкын һава әле сакланачак, көндез дә +1гә кадәр генә җылытачак.