16+

«Татар иле» апрель аенда эшли башлаячак

«Татар иле» проектының авторы - «Belem.ru» порталы җитәкчесе, Бөтендөнья татар конгрессының башкарма комитетының мәгълүматлаштыру технологияләре бүлеге мөдире Раил Гатауллин, «Татар иле»ндә бүтән бер генә челтәрдә дә, бер генә сайтта да булмаган эчтәлек булачак, дип ышандыра.

«Татар иле» апрель аенда эшли башлаячак

«Татар иле» проектының авторы - «Belem.ru» порталы җитәкчесе, Бөтендөнья татар конгрессының башкарма комитетының мәгълүматлаштыру технологияләре бүлеге мөдире Раил Гатауллин, «Татар иле»ндә бүтән бер генә челтәрдә дә, бер генә сайтта да булмаган эчтәлек булачак, дип ышандыра.


Башка социаль челтәрләрдә кебек үк, анда да һәрбер кеше үзенең шәхси битен ачып, башка кулланучылар белән аралаша алачак. Тик «Facebook» яисә «Orkut»тан аермалы буларак, «Татар иле» эксклюзив контент белән баетылачак. Биредә татар язучыларының әсәрләре, аларның тәрҗемәи хәлләре белән танышырга, татар спектакльләрен карарга, милли музыканың алтын фондын тәшкил иткән татар җырларын тыңларга мөмкин булачак.
Яңа социаль челтәр өч телдә - татарча, русча һәм инглизчә эшләячәк. Язуга килгәндә, татарча ике төрле графикада укырга һәм язарга мөмкин булачак: кириллицада һәм латинда. Моннан тыш, Казан федераль университеты галимнәре «Татар иле» аша татар теле дәресләрен дә бирәчәк.
«Һәрбер кулланучының татар телендә нинди күләмдә аралашуына карап, шәхси рейтингы төзеләчәк. Рейтинг югарырак булган саен, кулланучыга «Татар иле»нең яңа мөмкинлекләре ачылачак», - ди Р.Гатауллин.

Язмага реакция белдерегез

0

0

0

0

0

Реакция язылган инде

Комментарийлар

Мөһим

loading