Татарстан тагын беренче

Республикабыз 2013 елда нәтиҗәлелекне бәяләү буенча лидерлыкны саклап кына калмаган, ә Россиянең башка төбәкләре алдында үз өстенлеген тагын да арттырган. РФ Хөкүмәте сайтында өчьеллык чорга күрсәткечләрнең динамикасын исәпкә алып, үткән елга төбәкләрнең рейтингы бастырылган. 20 төбәк-лидер арасында икенче урынны Төмән өлкәсе алып тора, өченчедә - Ханты-Манси автономияле округы - Югра.
Өчьеллык чорда икътисад үсеше дәрәҗәсе һәм динамикасы буенча Татарстан, Башкортстан, Саха (Якутия) Республикалары, Краснодар крае, Түбән Новгород һәм Самара өлкәләре лидер булган.
Социаль үсеш дәрәҗәсе һәм динамикасы буенча Ингушетия Республикасы һәм Санкт-Петербург иң яхшы нәтиҗәләргә ирешкән.