Урамда салкынайта, юлларда бозлавык

Һава торышы көн саен диярлек үзгәреп тора. Атна башында көчле җил дулаган иде, атна уртасында исә бөтен тирә-юньне янә кар күмеп китте.
Алдагы көннәрдә республикада һава температурасының бераз салкынайтуы көтелә, дип хәбәр итә синоптиклар. Бүген исә аязучан болытлы һава булачак, явым-төшемнәр көтелми. Юлларда көчле бозлавык саклана. Шуңа күрә, кая да булса барганда, сакланып кына йөрегез. Һава температурасына килгәндә, төнлә 8-9 градус, көндез исә 6-4 градус салкын булачак, ди синоптиклар.