Яңгырлар да явар күк...

Иртәгә - җәйнең беренче көне. Җәй айларында күпчелек халык ялларны табигать кочагында үткәрергә ярата, шәһәр халкы да авылларга ашыга... Алдагы ял көннәрендә безне нинди һава торышы көтә икән?
ТР Гидрометеорология һәм әйләнә-тирә мохит мониторингы идарәсе хәбәр итүенчә, бүген көндез һава температурасы 20-25 градуска кадәр җылыначак, аязучан-болытлы һава көтелә, урыны белән яшенле яңгырлар яву ихтималы да юк түгел. 1 июньдә төнлә 13-18 градус җылы һәм яңгыр вәгъдә итә синоптиклар. Көндезге якта 19-24 градус җылы, ара-тирә болытлап алырга да мөмкин. Кыскасы, ялларда безне артык эссе дә, салкын да булмаган һава торышы көтә. Ял өчен дә, эш өчен дә уңай. Хәер, яңгыр яуса да, сөенер генә идек: яшелчә һәм җиләк җимешләрнең, игеннәрнең үсәсе бар бит!..