Нишлисез сез, ирләр?!
Күптәннән ирләрне сүгеп язасым килеп йөри. Сәбәбе дә җитди. Күңелдәге нәфрәт һәм әрнү буранын берни дә баса алмас төсле. Инде икенче иптәш кызымны ире үтерде. Кая бара соң бу дөнья, җәмәгать?!
Күптәннән ирләрне сүгеп язасым килеп йөри. Сәбәбе дә җитди. Күңелдәге нәфрәт һәм әрнү буранын берни дә баса алмас төсле. Инде икенче иптәш кызымны ире үтерде. Кая бара соң бу дөнья, җәмәгать?!
Моннан берничә ел элек коллегам, дустым Ләйсәнне ире пычак белән суйды. Бу тетрәндергеч фаҗига кечкенә кызлары каршында булган. Ир башта хатынын, аннары үзен үтергән. Бу хәл барыбызны да аяктан еккан иде. Башка сыймаслык җинаять. Дин юлындагы тәрбияле, акыллы, киң күңелле Ләйсәнне вәхшиләрчә үтерүләренә ышанасы килмәде...
2020 елның декабрь ахырында чәчәк кебек Рәмзиябезне харап иттеләр. Аны элеккеге ире кыйнап, җәзалап үтерде. Алар аерылышкан иде. Шуңа да карамастан, ир аңа тынычлап яшәргә ирек бирмәде, адым саен сагалар йөрде. Үз баласының әнисен үтерергә ничек кулы күтәрелгән аның? Ни өчен?
Мин бу хәбәрне бик авыр кичердем. Рәмзияне ун елдан артык беләм. Без танышканда, интернет челтәрендә “ник” белән аралашу модада иде. Рәмзия “Ангелочек” исемен йөртте. Бәлки күпләр хәтерлидер дә әле. Чынлап та, фәрештә иде ул. Бар яктан уңган, сабыр, тырыш кыз. Ярата идем мин аны. 32 яшендә әрәм иттеләр. Әти-әнисенә, энесенә Аллаһы Тәгалә сабырлык бирсен. Кызы да бик кызганыч...
Нишлисез сез, ирләр? Сөйгән ярыгызны үзегез сайлап, матур гына очрашып, бүләкләр бирешеп, ихлас яратып, сөешеп яшәгәнсездер, яшисездер бит? Ни булды соң бу ирләргә? Кеше баласына куллары ничек күтәрелә? Ни хаклары бар аларның? Ата-анага гомерлек яра! Ә күпме бала шул вәхшиләр аркасында ятим кала! Акылыгызга килегез, ирләр!..
Фото: pixabay.com
Эльвира ШАКИРОВА
Кызыклы яңалыкларны күзәтеп бару өчен Вконтактега кушылыгыз.
Вход на сайт
Язмага реакция белдерегез
Мөһим
-
#Җәмгыять
«Без Разил Вәлиевкә рәхмәтле. Ул бик иртә китте, әмма аның зур мирасы калды»
-
#Җәмгыять
Россиянең кече шәһәрләре язмышы Казанда хәл ителә
-
#Мәдәният
Җәлилчеләр батырлыгын искә алуны һәм Туфан Миңнуллинның туган көнен ничек уздырачакбыз?
-
#Язмалар
Көектә янгын: 5 балалы гаилә урамда калган, ә күршеләре янып үлгән...
-
#Кыскача яңалыклар
Кыска видеолар безнең баш миен «үтерә» – галимнәр чаң суга
Комментарийлар
1
1
2
Кызганыч хәлләр, әлбәттә... Әмма ләкин берьяклы гына ирләрне гаепләп булмый. Мин мәсәлән, алай килешмим. Мин яшь кеше түгел, беренче ирем атаклы музыкант иде 35 елдан артык гомер кичердек, бер кызым булды. Ирем вафат булып өч ел ярым вакыттан соң, миңа ходай икенче никахны да насыйп кылды. Әйе, тормыш кануннары ифрат дәрәҗәдә адәм баласына зур сынауларын биреп тора. Соңгы елларда адәми затлар бик азынды. Күпчелектә хатын-кыз гаепле. Мин моны педагог,психолог буларак, тормыштагы ситуацияләрне күреп, ишетеп белгәнгә әйтәм. Тормышның бөтен төзеклеге, матурлыгы 95%-ы хатын-кызлардан тора. Берьяклы гына ирләрне гаепләп булмый. Мондый хәлнең булуы мөмкин түгел. Алай сукырларча бер ирләрне генә гаепләп булмый. Гаеп атта да, тәртәдә дә булырга мөмкин. Гаиләдә ара бозыла икән, мәчеткә барып, хәзрәт белән киңәшләшеп мөнәсәбәтләрне җайларга була. Гаиләне саклап калу ысуллары берничек тә барып чыкмаса, хокук органнарына мөрәҗәгать итәргә яисә аерылышу чарасын карарга кирәк бу очракта.
0
0