Чара күреп, чик куелсын иде

Безнең фатир телефонына көн саен диярлек көндез дә, төн уртасы булса да «Примите факс» дип шалтыраталар. Үзләре бер сүз дә дәшмиләр. Аптырагач, «Таттелеком»га 118-08 номеры белән берничә мәртәбә шалтыраттым. Төрле операторлар төрлечә җавап бирә. Берсе: «Мәскәү районында бутыйлар, тәртип урнаштырырбыз, икенчесе: «Телефон трубкасын аппарат янына куеп торыгыз, кабул ителде, дип уйлап, бүтән шалтыратмаслар», өченчесе: «Бу хәлне үзебез дә беләбез, тиз арада ачыкларбыз!» - ди.
Ничек шул гади нәрсәне дә белми алар. Аларда факслы телефоннарның исемлеге булырга тиеш бит! Өйдәге тынычлыкны бозалар, йокыны бүләләр, бала-чаганы уяталар.
Без бит, хуҗаларның өйдәме, юкмы икәнлеген белергә тырышып бандитлар, караклар шалтырата, дип уйлап, йоклый алмый ятабыз!
«Таттелеком» җитәкчеләре бу хәлгә чара күреп, чик куйсыннар иде.