«Мама» урынына «әни» дип дәшәргә өйрәнерләр иде

Күп кенә татар басмаларын рәхәтләнеп укыдым, Казанда Габдулла Кариев исемендәге Татар дәүләт яшь тамашачы театрына яратып йөрим. «Нигез ташлары», «Кичер мине, әнкәй» спектакльләрен караганда тамакка төер, күзгә яшь тыгыла иде. Артистлар искиткеч уйныйлар, һәрберсе талант. Театр труппасын берләштереп торучы талантлы режиссер Ринат Әюповка да бик рәхмәтлемен. Кызганыч, үз биналары юк икән. Ярдәм итсеннәр иде аларга. Ул чагында бу театрга кеше дә күбрәк йөри башлаячак. Кайбер балалар да Җәлилне Тукайдан аерырга, «мама» урынына «әни» дип дәшәргә өйрәнер иде.