Хатынымның хыянәтен белеп яшәве бик кыен... Нишләргә?
Ун ел элек тормышымда чибәр кызны очраттым. Дөньяга булган уртак карашлар, максатлар безне кавыштырды дисәк тә була.
Ун ел элек тормышымда чибәр кызны очраттым. Дөньяга булган уртак карашлар, максатлар безне кавыштырды дисәк тә була.
Безгә бергә рәхәт иде. Алисә белән ике ел очрашып йөргәннән соң өйләнештек. Бер елдан балабыз туды. Бик көттем улым тууын. Бәхетем эчемә сыймады, хатынымны тагын да ныграк ярата башладым. Алисәгә бөтен эшендә ярдәм иттем – керләрне дә юдым, ашарга да пешердем, бала белән урамда йөрдем, төннәрен дә күтәреп чыга идем.
Аннары тагын бер улыбыз туды. Шулай итеп, Алисә биш ел декретта утырды. Бар да яхшы иде, мәхәббәте дә, назы да булды, матур яшәдек.
Тик хатын эшкә чыккач, мәхшәр башланды. Без еш сүзгә килә башладык, бер-беребезне аңлау бөтенләй бетте. Яз көне ул миннән читләште, ызгышу түгел, сөйләшми үк башлады. Бераздан бер ир-ат белән чуалуы турында белдем. Ялгыш смсларын күреп алдым. Тик тавыш чыгармадым. Тыныч кына утырып сөйләшкәннән соң, ул читтәге мөнәсәбәтләрне өзәргә вәгъдә бирде. Тормыш җайланган сыман булган иде, берничә атнадан Алисә тагын читләште. Сөяркәсе белән кушылуын аңлап алдым. Бу юлы мин аңа аерылышырга тәкъдим иттем. Тик ул каршы килде, янәсе мине генә ярата.
Хатынымның хыянәтен белеп яшәве бик кыен иде. Мин аны гафу иттем, ләкин йөрәгем бу хәлгә бик нык сыкрады. Нәтиҗәдә без психологка бардык. Теләгебез – гаиләне саклап калу иде. Психолог киңәше буенча, балаларны әти-әниләргә илттек, Алисә Мәскәүгә ял итәргә китте, ә мин берүзем өйдә калдым. Шушы вакыт эчендә мин хатын-кыз затын күрә алмас дәрәҗәгә җиттем. Ябыктым, тамактан ризык үтмәде.
Алисә кайтты. Әмма йөзендә моңсулык бар иде. Тагын утырып сөйләштек. Баксаң, ул сөяркәсен сагына икән! Коточкыч! Моны белгәч, үземә урын таба алмадым. Ун ел яратышып яшә дә, ниндидер бәндә тормышыңның астын өскә китерсен әле! Барып йөзен җимереп кайту теләге көчле иде. Ләкин хатынның да гаебе юк түгел, дигән уй мине туктатты.
Хәзер инде аерылышсак та, мин әзер. Балалар гына кызганыч. Ни дисәң дә, балаларга үз әтисе белән үз әнисе кирәк. Хатын һаман сөяркәсен сагынып яши. Үзе әйтүенчә, аны да түгел, ә эмоцияләрне сагына.
Бу хәлләрне анализлыйм да, уйлап куям – бәлки гаеп үземдәдер? Кайда, кайсы урында кителде соң тормыбышыбыз?!
Фото: pixabay.com
Айрат К.
Кызыклы яңалыкларны күзәтеп бару өчен безнең МАХ каналына кушылыгыз.
Вход на сайт
Язмага реакция белдерегез
Мөһим
-
#Төрлесе
«Зарланып түгел, эшләп яшик»: тормыш турында уйландырырлык язма
-
#Дин
Республикакүләм ифтарда 8 меңләп кеше катнашты
-
#Хикәя
Нәбирә Гыйматдинова/ «Йолдыз» хикәя
-
#Кыскача яңалыклар
«Ак Барс» бүген «Сочи» белән уйный: матч кайчан башлана?
-
#Кыскача яңалыклар
Казанлылар өчен бушлай тикшерү: 2026 елда 820 мең кеше диспансерлаштыру узачак
Комментарийлар
1
0
Эх, охшаш язмышлар күп икән шул җир йөзендә.
0
0
9
0
Артык яхшы булсанда ярап булмый икэн шул, китсен ул уз сайлаган юлыннан комачаулама, синада бер тэуфикълы бэндэсе очрар алла боерса, э ул сояркэсенэ кирэк булырмы икэн синнэн аерылгач, юк ул бик ялгыша.
0
0
6
0
Миндә дә шундый хәл булды мине куып чыгарды шул хайван котыртуы аркпсында
0
0
4
0
Кайгыртып ятма ерэген бетереп ,ужас просто шул ирдэ ярамаган кешегэ ,эдэ бар шуруй диген Дэ,хатын Кыз бетмэгэн жирдэ!Эмоциялэрне сагынам дигэн бит эле тагын,ул синен берэз саусызрак мэллэ,дэньяда эмоция БН генэ яшэп буламы?!бар врачка бар лечись диген!
0
0
2
2
Минемдэ шундый ук хэл,ике балабыз бар,ике малай!шулар ны жэлим нишлэргэ белгэн юк белэм аннары укенэчэк икэнен лэкин сон булачак
0
0