Шәһри Казан

Артур Хәбибуллин: «Авыл ялкауларны сөйми ул»

Артур Хәбибуллин белән мин татар авыллары эшмәкәрләре җыенында таныштым. Ул - Лениногорск районының Ормышлы авылыннан.

Әтисе Фәнзат Хәбибуллин 2004 елда ук крестьян-фермер хуҗалыгы ачкан. Әлеге эштә аңа уллары Артур, Азат һәм оныклары булыша. 18 сыердан башланган хуҗалыкта терлекләрнең баш саны бүген 450гә җиткән. Хәбибуллиннар үзләре Ормышлыда яшәсә дә, терлек фермалары күрше Яңа Елхово авылында урнашкан. Пай җирләреннән тыш, мең ярым гектар җирләре бар. Аны районнан 15 елга арендага алганнар. Кырда үзләренә җитәрлек көзге бодай, солы, арпа чәчәләр.

- Былтыр сатуга дип көнбагыш, карабодай утырттык. Быел 100 гектар җиргә рапс чәчәргә уйлыйбыз. Ә менә кукуруз, борчакны сатып алабыз. Ике сенаж базы, складлар төзеп куйдык. 2010 елда гаилә фермаларын үстерү программасы буенча 1 миллионлык грант алдык. Дүрт фермабыз бар. Соңгы ике елда аларны төзекләндерү өчен безгә башта 600 мең, аннары 1 миллион 200 мең сум күләмендә акчалата ярдәм күрсәтелде. Дәүләт фермаларга керү юлын бетон белән түшәп бирде. Маллар сатып алганда да субсидияләрдән файдаландык. Эшлим дигән кешегә булышлык күрсәтәләр, тәвәккәлләргә генә кирәк, - ди Артур.

Реклама



Хәбибуллиннар авыл кешеләрен дә эшле иткән. Алар кул астында бүген 18 кеше эшли, җәйге-көзге чорда 25кә җитәләр. Әмма шул ук вакытта белгечләргә дә кытлык бар икән.
- Нефть ягы булгач, кадрлар белән авыррак. Күп яшьләр нефть тармагына китә. Авыл хуҗалыгы белгечләре юк. Әйтик, безгә үз ветеринарыбыз, зоотехнигыбыз кирәк. Белгечләрне үзебезгә җәлеп итәр өчен йортлар салып, аларны авылга кайтарырга ниятлибез. Күпмедер елга килешү төзеп, эшләп китсәләр, киләчәктә өйләрне үзләренә дә калдырырга уйлап торабыз. Хуҗалыкта баш кеше - әти. Ул безнең агроном. Энем Азат механик вазифасын башкара, транспортны ремонтлау, карап тору аның өстендә. Мин исә күбесенчә документлар белән эш итәм. Авыл җирлеге башлыгы булып та торам. Улларыбыз җәй көне көтүгә чыгалар. Гаиләдә һәр кешегә эш җитәрлек, барысы да төгәл бүленеп куйган. Икенче улым киләчәктә ветеринар булыр дип торам. Әтинең эшен дәвам итәргә дәвамчылар да булачак, - ди Артур.

- Авылда калырга теләрләрме икән? - дигән соравыма ул:
- Хәзер авылда да менә дигән итеп яшәп була. Шәһәрдә фатир арендалап торганчы, рәхәтләнеп авылда үз өеңдә яшисең. Авылдагы тормышны элеккеге белән чагыштырып булмый хәзер. Утын әзерлисе, су ташыйсы юк. Дөресен генә әйткәндә, ялкаулык көчәеп китте. Ә авыл ялкауларны сөйми ул. Эшлим диючегә эш табыла. Авыл кешесе гомер буе мал тоткан. Мал асрап, беркемнең дә оттырганы юк. Иткә, сөткә һәрвакыт ихтыяҗ бар һәм булачак, - ди әңгәмәдәшем.

Теги: 250
Нравится
Поделиться:
Реклама
Комментарии (0)
Реклама
  • 16 января 2018 в 18:39
    Илфак Шиһапов истәлегенә
  • «Килә ява, килә ява...»: иске спектакльнең яңа премьерасы
  • Дәүләт Советы сессиясеннән ФОТОРЕПОРТАЖ 20.02.2018
  • Казанның Аккош күлендә Май чабу бәйрәмен үткәрделәр (ФОТОРЕПОРТАЖ)
  • Россия чаңгысы-2018. Юдино бистәсеннән фоторепортаж
  • Фәнис Ярулинның тууына 80 ел тулды
  • 2018 ел кышы рекорд куйды (5 февраль)
  • Ай тотылган төндә 31.01.2018
  • "Татмедиа" Республика матбугат һәм гаммәви коммуникацияләр агентлыгының киңәйтелгән утырышыннан ФОТОРЕПОРТАЖ
  • «Татарстан гүзәле» бәйгесеннән ФОТОРЕПОРТАЖ
  • Казанны кар басты
Соңгы комментарийлар
Интервью
  • 22 февраля 2018 в 15:34
    Фирдүс Тямаев: «Минем җырлар тарихка кереп калды инде» Сәхифәбезнең бүгенге кунагы – татар эстрадасының иң популяр җырчыларының берсе Фирдүс ТЯМАЕВ. Үзенә генә хас харизмы, темпераменты, кызулыгы булган, шул ук вакытта хисчән һәм чын мәгънәсендә халык мәхәббәтен яулаган җырчы белән без аның юбилееннан соң күрештек.
    349
    0
    2
  • 18 февраля 2018 в 09:00
    Ләйсән Фәйзуллина: «Мин – ирекле шәхес» Галиәсгар Камал театрында барган «Миркәй белән Айсылу», «Җилкәнсезләр», «Мәхәббәт FM», «Көтәм сине» спектакльләре аша таныш булган яшь актриса Ләйсән Фәйзуллина үзенчәлекле рольләр белән генә түгел, кызыклы, тирән шәхес буларак та үзенә җәлеп итә. Бүген аның һөнәренә, тормышка карата фәлсәфи уйлары, киләчәккә омтылышлары турында сорашырга, Ләйсәнне шәхес буларак ачарга тырыштык.
    461
    0
    1
  • 14 февраля 2018 в 15:00
    Яучы Наилә Җиһаншина: «50 яшькә җиткән ирләр бала табар яшьтәге хатын-кыз эзләп килә» Гомерлек яр табу замана белән тәңгәл килмәстәй катлаулы мәсьәләгә әйләнеп бара кебек, әмма моннан котылуның берәр чарасы булырга тиештер бит. Россия Мөселман хатын-кызлар берлеге рәисе, Дәүләт Думасының гаилә, хатын-кызлар һәм балалар эшләре буенча комитеты эксперт советы әгъзасы яучы Наилә Җиһаншина белән шул турыда әңгәмә кордык.
    831
    0
    2