Шәһри Казан

Авылда тынычмы, куркынычмы?

Авылда рәхәт, тыныч, дибез. Гадәттә, балаларны да җәйге ялга әбиләре янына кайтарып куярга ашыгабыз. Тик табигать кочагында да төрле күңелсезлекләр килеп чыгарга мөмкин икән шул. Шәһәр кунагы бигрәк тә авылдагы эш рәтен белми бит, нәрсәдәндер сакланырга кирәклеген уйлап та карамый.

Әнә умартачыларның бал аерта торган чакларын гына алыйк. Авылларда законнарга әллә ни игътибар бирүче юк, ярамаса да, кайберәүләрнең умарталары күршеләрнең бакчаларына ук терәлеп тора. Урамнан узып барганда да умарта кортына юлыгырга мөмкин. Ә бал корты тешләүдән ел саен дистәләрчә кеше үлә, чөнки кайберәүләр өчен бал кортының агуы куркыныч, аллергия бирә. Быел да Тукай районында 52 яшьлек бер ир-ат умарта тешләвеннән үлгән. Зыян күрүче хәтта «ашыгыч ярдәм» машинасы килгәнче дә яши алмаган.

Ел саен 100ләп елан үлә
Узган ел коры эссе һавада еланнар бик таралган иде. Кешеләр аларны бакчаларында, ишегалларында, хәтта мунчаларында да күрделәр. Быел редакциягә еланнардан зарланып шалтыратучылар юк югын, шулай да еланнан зыян күрүчеләр булган.
Кара зәһәр елан Татарстанда бердәндер агулы елан булып санала икән. Республиканың медицина учреждениеләренә узган ел еланнан зыян күргән 66 кеше мөрәҗәгать иткән булса, бу юлы ике кешегә ярдәм күрсәтелгән.
«Шәһәрдән авылга кайтып барганда трассада кара еланны күреп туктадым. Тузбаш еландыр инде дип тотып карамакчы булдым. Алар зәһәр елан белән шуның кадәр охшаганнар икән. Тузбаш дигәнем баш бармагымны тешләп тә алды. Җәрәхәт урыны шешә башлады, башым әйләнеп китте, хәлсезләндем. Әле ярый Республика клиника хастаханәсенә вакытында килеп җиттем. Анда тиешле ярдәм күрсәттеләр», - ди бер танышым.
Елан бер тапкыр тешләгәннән соң, кешенең организмында аның агуына карата иммунитет барлыкка килә. Икенче тешләүләре бик куркыныч тудырмый. Баксаң, кешеләр елан өчен куркынычрак та икән әле. Статистикага мөрәҗәгать итсәк, ел саен бакчачылар 100ләп кара еланны үтерәләр, ди.

Төлкесе дә, эте дә...
Быел авылларда төлкеләр дә бик котырып алды. Әнә Яшел Үзән районының Акъегет авылында бөтен авыл диярлек зыян күрде аннан. Кемнеңдер казын, кайсының тавык-чебешен тотып китте төлке. Оясын тапсалар да, кораллары булмагач, авыл халкы төлкедән котыла алмады. Аннары куркыта да бит, котырган төлке булса?!
Ә менә күптән түгел генә Кама Тамагы районында сарыкларга кыр этләре ташланган очраклар булган. Эт, төлкесе бер хәер. Баксаң, йомраннар да кешеләрне тешләргә сәләтле икән. Казанда яшәүче бер хатынны су коенганда йомран җәрәхәтләгән. Хатынның аягын хәтта тегәргә туры килгән.
Сакланганны саклармын, дигән Ходай. Авылга кайткач та онытылырга ярамый шул, хайваннар дөньясы да бар бит... Тыныч тормышның үз куркынычлары.

PS. Күрше апа бакчага кишер алырга дип чыккан булган, яшелчә башларын ниндидер җәнлек кимереп киткән, ди. Хәзер авыл халкы баш вата. Ни булыр бу? Бакамы, әллә сукыр тычканмы?

Реклама

Нравится
Поделиться:
Реклама
Комментарии (0)
Реклама
  • 13 апрель 2018 - 15:47
    «Шәһри Казан» ат җигәргә өйрәтә
  • Спорт гимнастикасы буенча Россия чемпионатыннан ФОТОРЕПОРТАЖ 18.04.2018
  • Икенчел чимал һәм кием җыю буенча мобиль пункты акциясе. Фоторепортаж
  • Казанда язгы өмә старт алды
  • Иң яхшы хат ташучылар бүләкләүдән ФОТОРЕПОРТАЖ 12.04.2018
  • Яшел Үзән районы Татар Танае авылын су баскан! 11.04.2018
  • Алдавыч боз балыкчыларны куркытмый
  • Авыл хуҗалыгы ярминкәләреннән ФОТОРЕПОРТАЖ
  • Илфак Шиһаповның тууына 50 ел тулуга багышланган кичәдән ФОТОРЕПОРТАЖ 5.04.2018
  • Мәшәкате күп булса да, яз – яз инде ул...
  • Яз җитте бит!
Соңгы комментарийлар
Интервью
  • 11 март 2018 - 11:05
    Айгөл БАРИЕВА: «Хис-кичерешләрне исән чагымда әйтеп калдырасым килә» Татарстанның атказанган артисты Айгөл Бариева белән моңа кадәр дә күрешкән, аралашкан, концертларын тамаша кылган бар иде. Тик бу очрашуга кадәр мин аны бөтенләй белмәгәнмен икән дигән нәтиҗә ясадым. Якыннан таныш булмаганнарга бераз кырысрак, артык җитди булып тоелган Айгөлнең хатирәләрдән, истәлекләрдән күңел касәсе түгелергә торган нечкә күңелле, ачык һәм мөлаем ханым икәнлегенә инандык.
    1160
    1
    3
  • 11 март 2018 - 12:00
    И, адәм балалары... Кайчагында мин үземне чит планета кешесе сыман тоям. Җирдә яшәгән бу кавемнең минем нәселемдә дәхеле дә юктыр сыман була. Кайдадыр галәмнең гүзәл җирендә яшәүче бик акыллы һәм бик яхшы кешеләр ниндидер йомыш белән Җиргә төшкәннәрдер дә аны кисәк ташлап китәргә мәҗбүр булып сабый балаларын, ягъни мине онытып калдырганнардыр. Ә Җир кешеләренең берәрсе шул сабыйны бала тудыру йортына алып килгәндер...
    552
    0
    7
  • 11 март 2018 - 09:00
    Алдакчыны ничек танырга? Тормышта төрле хәл була, кайвакыт күзгә карап алдарга да туры килә. Статистика буенча, кеше көне буена 50 тапкыр да алдарга мөмкин икән. Мондый кеше инде чын алдакчы булып чыга. Аларны ялган детекторы ярдәмендә тиз ачыкларга була, әлбәттә. Ә башкача ничек танырга? Күзәтүләр аша.
    408
    0
    0
Ночной режим