Блогер Рөстәм Нәбиев һәлак булган хезмәттәше турында: «Бер тәүлек алдан… »

"Кечкенә сәяхәтләребез турында сезгә сөйләрлек тарих җитәрлек. Соңгысына мин ялгыз бардым.

Белорецка барып килдем. Хезмәттәшемнең әти-әнисе белән күрештем. Беренче фото - соңгысы булган. Ул һәлак булыр алдыннан, бер тәүлек алдан…

Вадим белән без Омскның уку үзәгендә таныштык. Ул шулкадәр гади һәм ачык егет иде, аны шунда ук «үземнеке» итеп кабул иттем. Без һәрвакыт сөйләшер өчен тема таба идек – эш, мавыгулар, тормышка карашлар, мөнәсәбәтләр. Фикерләребез дә бер булды. Бу безне берләштергәндер. 

Ул бик белемле һәм акыллы егет иде. Шулкадәр укымышлы ки, безнең командир аңа гел кәгазь эшен йөкләде.

Беләсездер, минем өчен якын кешеләр белән элемтәдә тору мөһим. Вадимның әти-әнисе дә искәрмә түгел-алар да минем күңелем түрендә…
Бик якты хатирәләр искә төште, вакыт кирәк. башка вакытта сөйләрмен әле", - дип тәмамлаган сүзен танылган блогер. 
Фото: https://t.me/rustamnabiev92/1894