Шәһри Казан

«Кара-каршы»га каршы яки авыл кешесе ялкау түгел!

«Яңа Гасыр» телевидениесендә барган «Кара-каршы» тапшыруының берсендә авылларның бетүе һәм анда булган проблемалар турында бәхәс купкан иде. Кырык бер ел авыл җирендә яшәүче кеше буларак, әлеге тапшыруны карагач туган фикерләрем белән уртаклашасым килә. Хөрмәтле язучы, драматург Мансур Гыйләҗев бүген авылда яшәп яткан безне (авыл халкын) ялкаулар дип атый. Бу нәтиҗә...

Реклама

«Яңа Гасыр» телевидениесендә барган «Кара-каршы» тапшыруының берсендә авылларның бетүе һәм анда булган проблемалар турында бәхәс купкан иде.
Кырык бер ел авыл җирендә яшәүче кеше буларак, әлеге тапшыруны карагач туган фикерләрем белән уртаклашасым килә. Хөрмәтле язучы, драматург Мансур Гыйләҗев бүген авылда яшәп яткан безне (авыл халкын) ялкаулар дип атый. Бу нәтиҗә берничек тә дөреслеккә туры килми. Минем дә, авылдашларымның фикере дә шулай, авылда гомер-гомергә эштән курыкмаган чын егетләр калган.
Мансур әфәнде әйткән сарымсакны да үстерәбез, шуның өстенә 16-20 баш эре терлек тә тотабыз. Татарның үзәк каналыннан тырыш, намуслы хезмәт итүче авыл халкын гаепләргә ашыкмагыз. Казан ярминкәләренә чиста ит, яңа сауган сөт, яшелчәсен нәкъ менә авыл егетләре алып килә бит. Безнең якларда терлеген, умартасын, яшелчәсен үстерәм дигән кешегә - агрофирма җитәкчесеме ул, җирлек башлыгымы - бары тик уңай якка гына киңәшләрен биреп, ярдәмгә килергә әзер торалар. Печәнен, саламын, фуражын да кирәк кадәр алып була.
Тапшыруда «авыл ни өчен бетеп бара» дигән сорауга тулысынча җавап та табып булмады. Бетүнең сәбәбе авылда яшәүче халыкның буыннар чылбыры өзелүдә. Ни өчен авылга кайтмыйлармы? Югары уку йортын бетергән студент анасы янына кайтып утырмый, йорт салмый, калага китеп, гомер буе әзер торак көтәргә риза. Моннан ун ел элек Казан шәһәренә китеп барган авылдашымны очратып: «Авылда яшәр идеңме?» - дигән соравыма ул: «Торырга әзер фатиры, иптәшемә, үземә эш урыны булса, ике дә уйламас идем, Айрат дус», - дип белдерде. Әйе, терлек йә умарта тоту бар кешенең дә кулыннан килми. Андыйларны ялкау димәс идем. Авылны үстерү өчен башка төрле эш урыннары да кирәк. Яңа йортлар салып, хезмәткә югары түләү куеп, яшьләребезне кызыксындырып караргадыр. Авыл бит ахыргача бетмәгән.
Чиста саф чишмә суы, табигате Тукай шигырендәге кебек. Газы, суы, юлы, телефоны, интернеты кергән, төннәрен шәһәрдәге кебек утлар яктырта. Кирәк кадәр яшелчәсен, итен җитештер.
Сез үзегез, Мансур әфәнде, белә торып та, төрле зарарлы газлар белән сәламәтлегенә зыян салган каладан салага балаларыгызны яки оныкларыгызны сарымсак үстереп, сатып, акча эшләргә җибәргәнегез бармы? Минемчә, алар авылга җәй көннәрендә генә кайтадыр.
Ә бүгенге көндә нигез ташын югалтмыйча, ата-бабаларыбызның кендек каны тамган җиргә тугрылыклы калып яшәгән авыл халкына: «Сез түзем булганга гына авыл яши», - дип, авылдашларыма исәнлек-саулык теләп калам.

Теги: 250
Нравится
Поделиться:
Реклама
Комментарии (0)
Реклама
  • 13 апрель 2018 - 15:47
    «Шәһри Казан» ат җигәргә өйрәтә
  • Спорт гимнастикасы буенча Россия чемпионатыннан ФОТОРЕПОРТАЖ 18.04.2018
  • Икенчел чимал һәм кием җыю буенча мобиль пункты акциясе. Фоторепортаж
  • Казанда язгы өмә старт алды
  • Иң яхшы хат ташучылар бүләкләүдән ФОТОРЕПОРТАЖ 12.04.2018
  • Яшел Үзән районы Татар Танае авылын су баскан! 11.04.2018
  • Алдавыч боз балыкчыларны куркытмый
  • Авыл хуҗалыгы ярминкәләреннән ФОТОРЕПОРТАЖ
  • Илфак Шиһаповның тууына 50 ел тулуга багышланган кичәдән ФОТОРЕПОРТАЖ 5.04.2018
  • Мәшәкате күп булса да, яз – яз инде ул...
  • Яз җитте бит!
Соңгы комментарийлар
Интервью
  • 20 апрель 2018 - 16:55
    «Россия – минем тарихым» проектын 5 500 000 кеше караган Федеральный исторический проект «Россия-Мояистория» уверенно перешагнул отметку 5,5 миллионов, анонсировав сразу несколько крупных рекордов в различных уголках страны. Среди них Санкт-Петербург, привлекший на экспозиции за 5 месяцев 300 000 человек, Пермь,Махачкала и Волгоград, преодолевшие отметку в 100 000 посетителей менее, чем за полгода с момента открытия и Тюмень, где каждый третий школьник области уже побывал в историческом парке.
    16
    0
    0
  • 12 март 2018 - 08:37
    Илсөя Бәдретдиновага роза чәчәге урынына Роза кушаматлы тавык бүләк иткәннәр (ВИДЕО) Илсөя Бәдретдинова бу көннәрдә гастрольләр белән Татарстан һәм Башкортстан буйлап сәяхәт кыла. Аның инстаграмына карасаң, билет сатып алып килгән тамашачы, күчтәнәчсез дә килми икән.
    755
    0
    1
  • 11 март 2018 - 12:00
    И, адәм балалары... Кайчагында мин үземне чит планета кешесе сыман тоям. Җирдә яшәгән бу кавемнең минем нәселемдә дәхеле дә юктыр сыман була. Кайдадыр галәмнең гүзәл җирендә яшәүче бик акыллы һәм бик яхшы кешеләр ниндидер йомыш белән Җиргә төшкәннәрдер дә аны кисәк ташлап китәргә мәҗбүр булып сабый балаларын, ягъни мине онытып калдырганнардыр. Ә Җир кешеләренең берәрсе шул сабыйны бала тудыру йортына алып килгәндер...
    589
    0
    7
  • 11 март 2018 - 09:00
    Алдакчыны ничек танырга? Тормышта төрле хәл була, кайвакыт күзгә карап алдарга да туры килә. Статистика буенча, кеше көне буена 50 тапкыр да алдарга мөмкин икән. Мондый кеше инде чын алдакчы булып чыга. Аларны ялган детекторы ярдәмендә тиз ачыкларга була, әлбәттә. Ә башкача ничек танырга? Күзәтүләр аша.
    439
    0
    0
Ночной режим