Мөхәррәм абый май уртасында бәрәңге ала башлый

“Бүген утыртсак, май уртасына өлгерә дигән сүз. Ел да үзебез шулай эшлибез. 45-50 көндә ашарлык яңа бәрәңге өлгерә. Моның өчен иртә өлгерешле Лидер сортын утыртабыз. Шыткан бәрәңгене рассадага дип әзерләгән туфракка күмеп, 15-20 градус җылылыктагы урынга урнаштырабыз. 10-12 көн караңгы урында торса да ярый. Ә апрельнең 15-20ләренә кояшка, урамга чыгарсаң да була. Бәрәңгене башта буразнага түгел, пластик чиләкләргә утыртам. Май башында җиргә күчерәм. Ел саен агуламыйча гына үскән яңа бәрәңге безнең гаиләгә июль башларына кадәр җитә. Ә ул вакытка гади бәрәңге дә ашарлык була инде”, – дигән ул.
Мөхәррәм абыйның ВК сәхифәсендә урнаштырылган видеосы. https://vk.com/video221981145_456239079?t=13s
Фотолар: шәхси архивтан