Шәһри Казан

«Печән әйбәт, күз тидерүдән куркам»

Бу көннәрдә авыл халкы печән әзерләү белән мәшгуль. Көне-төне яуган яңгырлардан печән котырып үсте, җыеп ал гына. Тик менә шул ук яңгыр аны җыеп алырга да комачаулык итә. Районнарга шалтыратып, авыл җирлекләрендә печән әзерләүнең барышы, башка культураларның торышы белән кызыксындык.

Реклама

Марат Сабиров, Нурлат районының «Южная» агрофирмасы генераль директоры:

- Яңгырлар туктаудан файдаланып, көне-төне печән, азык әзерлибез. Үлән быел бик яхшы булды, көннәр аяз торса, яхшы уңыш алырбыз дип торабыз. Быел кырга чыгарга да күңелле. Мондый дымлы җәйләрнең күптән булганы юк иде. Икмәк тә әйбәт булыр дип уйлыйбыз. Күз генә тимәсен, амбарга кертеп тутырмыйча, артыгын әйтергә дә куркам.

Фәрит Сабитов, Биектау районының «Березка» җавап­лылыгы чикләнгән җәмгыяте җитәкчесе:

- Без бәрәңге, көнбагыш, бөртекле культуралар игү белән шөгыльләнәбез. Быел көнбагышка җылы җитми, узган елгыга караганда, уңышы начаррак. Ә менә яңгырлар явып торгач, бәрәңгедән дә, бодайдан да мул уңыш көтәбез. Аларны вакытында югалтуларсыз алырга гына кирәк. Көзге бодайны алуга 5-10 августтан да иртәрәк чыгып булмастыр әле. Бүгенге көндә урып-җыюга әзерлек эшләре бара, техника, комбайннарның төзеклеген кат-кат карап чыгабыз.

Зөлфия Зиннәтуллина, Мамадыш, Югары Кыерлы:

- Быел печәннең беренче покосы яхшы булды. Яңгырлар озакка киткәч, череп ятмыймы дип борчылган идек. Аллага шөкер, бакчадагы печәнне дә, болын печәнен дә, соңга калып булса да чабып, әрәм итмичә урнаштырдык. Иртәрәк чабып, яңгырлар башлану сәбәпле, печәннәре череп, аны тиреслеккә генә ыргытучылар да булды. Җир дымга туенганлыктан булса кирәк, болын печәннәре арасында күптәннән күренмәгән үләннәр һәм чәчәкләр тишелде быел. Әле җыелган печән кышка җитәрлек түгел, шуңа күрә сатып алыр­га туры киләчәк. Соң чабылганлыктан, печәннең беренче покосы озын сабаклы, эре печән булды, яңгырларга да эләкте. Шунлыктан икенче покос печәнне сатып алырга уйлап торабыз, ул гадәттә, кыска һәм вак була, сарыклар өчен нәкъ менә шундые яхшы.

Теги: 250
Нравится
Поделиться:
Реклама
Комментарии (0)
Реклама
  • 16 декабря 2017 в 19:34
    "Татар җыры"нда Хәния Фәрхине искә алдылар
  • Физик мөмкинлекләре чикләнгән балалар фестивале
  • «Татар җыры - 2017»
  • Балык, кап, яр буенда ялтырап ят!
  • Ратушада геройларны котладылар
  • “Болгар радиосы” V Милли музыка премиясен тапшыру тантанасы
  • «Үзгәреш җиле»ннән ФОТОРЕПОРТАЖ
  • Горки-Әмәт урман паркында Кыш бабай һәм Кар кызы белән очрашу
  • Дәүләт Советы сессиясендә
  • Казан кичләре
  • Казандагы балалар бакчасында «Балачак китапханәсе» ачылды
  • 11 декабря 2017 в 09:27
    Айдар Галимов кызы Айгизәнең җырлавына ник каршы? Айгизәнең инстаграмдагы аккаунтына язылучылар, аның киенүе, җырлавы Риананыкын хәтерләткәнен белә. Чит илдә болай киенү нормаль күренеш булса, татар-башкорт мохитендә моны аңламаучылар да бар.
    713
    0
    1
  • 11 декабря 2017 в 09:18
    Йокыдан айнырга ярдәм итүче ризыклар исемлеге билгеле булган Көн кыска, ә урамда суык та булганда, язга кадәр гел йоклап кына ятасы килә. Әмма без аюлар түгел шул, эшкә барасы бар.
    188
    0
    1
  • 11 декабря 2017 в 10:03
    Эльмира Закирова: «Язучы булу рәхәт икән!» Бүгенге заманга китапны аз укый торган тамгасы тагылса да, укучы яңа китапны да, яңа авторны да хәзер күреп ала, игътибарыннан читтә калдырмый. Эльмира Закированың да «Иясез шатлык» дигән китабы табадан төшеп, кибет киштәләренә куелырга өлгермәде, укучы аны үз итте.
    152
    0
    0