Су колонкалары кая киткән?

Туфлиларны карарлык та түгел, балтырга кадәр пычрак менгән. Бу килеш Казанга кайтып булмый бит инде дип, тирә-күрше авылларда колонка эзләргә тотындык. Элегрәк, авылларга су кермәгән вакытларда, колонкаларга чират торганны да хәтерлим әле. Көянтә-чиләк белән су ташый идек шуннан. Матур итеп агачтан буралган сиртмәле коелар була торган иде. Хәзер кое түгел, колонкаларны көндез чыра яндырып эзләсәң дә тиз генә табам димә икән. Ничә авылны әйләндек - юк. Банкоматлар бар авылда, ә менә колонкалар... Ниһаять, Макулово дигән авылда таптык берсен.