Шәһри Казан

Табигать шифа бирә

Табигатькә якынаюым аның байлыкларына карата игътибар уятты.Төгәлрәге, дару үләннәре белән нык кызыксынып яшим. Бәлки бу сәләт миңа әбиемнән дә күчкәндер... Инешкә каз бәпкәләре төшерсә дә, көтү куса да, әбием алъяпкыч итәгенә нинди дә булса үлән җыеп кайта иде. «Иртә язда җыйган үләннең бар шифасы яфракта, иренмәгез, җыегыз, кышын кар астыннан...

Табигатькә якынаюым аның байлыкларына карата игътибар уятты.Төгәлрәге, дару үләннәре белән нык кызыксынып яшим. Бәлки бу сәләт миңа әбиемнән дә күчкәндер... Инешкә каз бәпкәләре төшерсә дә, көтү куса да, әбием алъяпкыч итәгенә нинди дә булса үлән җыеп кайта иде. «Иртә язда җыйган үләннең бар шифасы яфракта, иренмәгез, җыегыз, кышын кар астыннан берни дә таба алмассыз», - дип, кырга алып китә иде безне. Һәркайсының исемен атап, нинди авыруга ярдәм итә - барысын да өйрәтте ул.
Әбиемнең дәвамчысы булып, үзем дә шулай табигать шифаханәсеннән илһамланып, дәва алып яшим. Китапханәче булып эшләвем, кешеләр белән еш аралашуым моны башкаларга да төшендерергә ярдәм итә дип саныйм. Табигатькә экскурсияләр, әңгәмәләр, күргәзмәләр оештырам. Киптереп, әзерләп куйган үләннәр кемгә дә булса шифа бирсә, булыша алуыма куанам. Безнең якларда бик күп төрле дару үләннәре үсә, аларның һәрберсе нинди дә булса авыруга дәва, куллана белергә генә кирәк. «Адымыгызны карап атлагыз, һәр сукмак буенда файдалы үлән үсә», - дия иде әбием. Мунча чабынып чыккач, кура җиләкле, мәтрүшкәле, бөтнекле чәй эчкәнегез бармы? Салкын тидердем дип даруханәгә чапканчы, юкә чәчәге, үги ана төнәтмәсе эчеп карасагыз? Бума ютәл азаплый дип, антибиотик эчкәнче, ак әрем, борыч, бөтнек төнәтмәсе нык булыша дип саныйм. Атлап йөргән сукмак кырыйларында үсеп утырган бака яфрагы үләне - яраларны төзәтүче. Кәефләр үзгәреп, кан басымы төшеп киткәндә, сукыр кычыткан булыша. Тәнең бозылса, аллергиядән тилмерсәң, эт тигәнәге (череда), канлы үлән (чистотел) ярдәмгә киләчәк.
Кыскасы, табигать - шифа бирүче, һәрвакыт аңа рәхмәтле булып, сәламәтлек белән гомер кичерсәк иде. Үләннәрнең мең төрле сихәте турында онытмасак иде.

Реклама
Нравится
Поделиться:
Реклама
Комментарии (0)
Осталось символов: