Шәһри Казан

«Амин» дип эшне бозды

Дини бәйрәмнәрдә, наданлыгыбыз аркасында, ел саен нинди дә булса бер кызык хәл килеп чыга, бәлкем, кызык дип аталырга да тиеш түгелдер, еларлык хатадыр ул. Бездә бит шулай, хакимият үзгәрсә, элеккеге җитәкченең кул астындагылар да «җылы кәнәфиләреннән шуа», өстәвенә законнар да үзгәрә. Мөфти Госман Исхакый вакытында «Амин» дигән саен сәдака алып...

Реклама

Дини бәйрәмнәрдә, наданлыгыбыз аркасында, ел саен нинди дә булса бер кызык хәл килеп чыга, бәлкем, кызык дип аталырга да тиеш түгелдер, еларлык хатадыр ул.
Бездә бит шулай, хакимият үзгәрсә, элеккеге җитәкченең кул астындагылар да «җылы кәнәфиләреннән шуа», өстәвенә законнар да үзгәрә. Мөфти Госман Исхакый вакытында «Амин» дигән саен сәдака алып утыручы күп кенә «хәзрәтләр» эшсез калды әнә, Илдус Фәйзов килгәч, дин кануннары да үзгәрде кебек. Шуларның берсе: элек мәчеттә «Әлхәм...»не укыгач, бөтен халык «Амин» дип әйтә иде, хәзер алай ярамый, дөрес түгел икән. Моны хәзерге мөфти «Кол Шәриф» мәчетендәге бер җомга вәгазе вакытында әйткән иде.
Законнар үзгәргән саен, халык арасында берәр «чп» хәл чыгып тора. Быел мәчеттә Ураза гаете намазын укыган вакытта мулланың артына ике таза бәдәнле авыл агае басты. Хәзрәт калганнарга берничек тә күренми. Инде нишләргә, елга бер-ике тапкыр мәчеткә керүче ирләр хәрәкәтләрне шулар артыннан кабатладылар. Менә берзаман мулланы каплап торган ике ир-атның берсе, утырып кына каласы урында, ялгыш кыямга басты, шуннан башланды инде... Авылдашларның бер өлеше хәрәкәтләрне мулла кушканча, калганнары теге буталган агайга ияреп кабатлый. Ярый әле мулла үзе халыкка арты белән басып укый, безгә борылып караса, сүз әйтми чыдамас иде.
Корбан гаетендә бу хәл кабатланмады. Әмма тагы да «күңеллерәге» килеп чыкты. «Әлхәм...» укыгач, тынлык урнашты, берәү дә «Амин» дими. Әллә халык яңа «шәригать законнары»н белә, әллә мулла «ул-бу килеп чыкмасын тагын» дип, «Амин»ны эчтән генә әйтте.
Юк, бу Гает намазының да дөрес кенә үтәсе юк икән. Янымда басып торган энем, әле күптән түгел генә армиядән кайтты ул, узган елгы гаетләрне искә төшереп булса кирәк, бөтен мәчеттә берүзе, көр тавышы белән, «Амин» дип сузып җибәрде. Шуннан соң нәрсә көтәсең инде, калганнар да «уптым илаһи» аның артыннан кабатлады: «Амин»... Шулай итеп, бу Корбан бәйрәмендә укыган догалар да кабул булгандыр.
Хәзер мәчеткә кергәч, шул хәлләр искә төшә дә елмаясы килә.

Нравится
Поделиться:
Реклама
Комментарии (0)
Реклама
  • 13 апрель 2018 - 15:47
    «Шәһри Казан» ат җигәргә өйрәтә
  • «TMTV» музыкаль премиясе тапшыру тантанасыннан ФОТОРЕПОРТАЖ
  • Спорт гимнастикасы буенча Россия чемпионатыннан ФОТОРЕПОРТАЖ 18.04.2018
  • Икенчел чимал һәм кием җыю буенча мобиль пункты акциясе. Фоторепортаж
  • Казанда язгы өмә старт алды
  • Иң яхшы хат ташучылар бүләкләүдән ФОТОРЕПОРТАЖ 12.04.2018
  • Яшел Үзән районы Татар Танае авылын су баскан! 11.04.2018
  • Алдавыч боз балыкчыларны куркытмый
  • Авыл хуҗалыгы ярминкәләреннән ФОТОРЕПОРТАЖ
  • Илфак Шиһаповның тууына 50 ел тулуга багышланган кичәдән ФОТОРЕПОРТАЖ 5.04.2018
  • Мәшәкате күп булса да, яз – яз инде ул...
Соңгы комментарийлар
Интервью
  • 14 март 2018 - 14:51
    «Хәләл фермер» Ленар ЛАТЫЙПОВ: «Хатын сайлау берни түгел, сыер сайлап кара син!» Биектау районының Торнаяз авылында «хәләл фермер» белән танышып кайттык. Биш вакыт намазын калдырмаган, шәригать кануннары буенча яшәүче Ленар Латыйповлар гаиләсен күрше-тирәдә шулай атыйлар. Алар ун ел эчендә мөгезле эре терлек санын 250гә җиткергән. Республикада бу – иң күп мал асраучы гаилә фермасы.
    545
    0
    2
  • 14 март 2018 - 16:28
    Лаешта пычрак су «дефицит»ка әйләнәчәк Татарстанның Лаеш районы Чулман белән Идел елгалары кочагына урнашкан. Гаҗәеп матур җирләр.
    456
    0
    0
  • 14 март 2018 - 15:42
    «Гавайи» салаты ясау ЫСУЛЫ Бер порция өчен 40 гр айсберг яки пекин салаты (икесен бергә кушсагыз да була), 50 гр ысланган тавык, 40 гр консервланган ананас, кечкенә генә бер тырнак сарымсак һәм кыздырылган кара ипи кисәкләре кирәк.
    342
    0
    0
Ночной режим