16+

“Балага узмас өчен диндә саклану рөхсәт ителәме?”

Рамил хәзрәт Юныс бик еш кына инстаграмга язылучыларының сорауларына җавап бирә. Шул җавапларның кайберләрен сайлап алып, үзебезнең укучыларга да кызык булыр дип, сезгә дә тәкъдим итәбез.

“Балага узмас өчен диндә саклану рөхсәт ителәме?”

Рамил хәзрәт Юныс бик еш кына инстаграмга язылучыларының сорауларына җавап бирә. Шул җавапларның кайберләрен сайлап алып, үзебезнең укучыларга да кызык булыр дип, сезгә дә тәкъдим итәбез.

“Күп ышандырылган, онытылган нәзерләрне ничек үтәп була?”
– Нәзер әйтеп үти алмасаң яки онытсаң, аның кәффараты бар:
Яки ун фәкыйрьне ашатасың.
Яки ун фәкыйрьне киендерәсең.
Аларын да булдыра алмасаң гына өч көн ураза тотасың.

“Яшь чакта ясаткан аборт өчен үкенәм. Бу очракта нинди дога укырга?”
– 40 көнгә кадәр ясатсаң, кечкенә гөнаһ, 40-120 көнгә чаклы – зур гөнаһ, 121 -... бер сәбәпсез бала төшерү кеше үтерүгә тиң. Гомер буе тәүбә итәргә кирәк булуы ихтимал. Чөнки бу вакытта ул җан өртелгән тере кеше.

“Оныгыма өч ай. Исеме Мәрьям. Еш авырый, әллә исемен алыштырыйкмы икән?”
– Исеме бик әйбәт. Ул исемнән түгел.

“Бер дустым, мәчеттә җеннәр яши, дип әйтте. Дөресме бу?"
– Үз гомеремдә бер дә ишеткәнем булмады дисәм, дөрес булмас. Бер районның авыл мәчетендә имам сөйли иде, иртәнге намазга килгәндә, түбә башында гел тавышлар ишетәм, дип. Азан әйткәч, тыналар иде ди.

“Дин ягыннан ЭКО ясатуга нинди караш?”
– Дөрес була, әгәр дә никахлы ирегезнекен (спермасын) кулланганда гына.

“Намаз укырга телим. Дөрес укымам дип куркам. Кайсы өчен гөнаһ күбрәк була: укымаумы, әллә дөрес укымаумы?”
– Һичшиксез намазга басарга кирәк. Әкренләп төзәтәсез. Көннәребез санаулы, Аллаһ каршында иң беренче сорау – намаз.

“Вафат булган гаиләдәге кешегә “Ясин” сүрәсен укырга ярыймы?
– Ярый.

“Гакыйка корбанын җиденче көнгә чалу мәҗбүриме? Башка көнне ярыймы?”
– Иң яхшысы – җиденче көнгә әлбәттә.

“Сишәмбе көнне эш башларга, юлга чыгарга ярамый диләр. Дөресме ул?”
– Эш башларга һәм сәфәргә чыгарга ярамаган көн динебездә юк. Барылк көннәрдә дә ярый. Әмма пәнҗешәмбе, җомга көннәрендә башлау һәм сәфәр чыгу хәерлерәк.

“Исламда баланы кырык көн кешегә күрсәтергә ярамый дигән әйбер бармы?”
– Юк.

“Үлгән кешегә Коръән тутыру дигән әйбер бар, мәчетләрдә кирәк түгел, диләр”.
– Мәчеттә дөрес әйтәләр.

“Намаз укымаган кеше хәрам эчсә, иманнан чыгып китәме?”
– Иманы аннан 40 көнгә чыга. Укыган намазлары, уразалары, догалары бу көннәрдә кабул булмый.

“Кирәге беткән дини китап-язмаларны нишләтергә?”
– Җыеп куярга да урыныгыз булмаса, яндырыргабула. Көлен күмеп куярсыз.

“Балага узмас өчен диндә саклану рөхсәт ителәме?”
– Әйе. Гаиләне планлаштыру диндә рөхсәт ителә.

“Ни өчен сул кул белән ризык тотып ашамаска кушалар?”
– Пәйгамбәребез: “Сул кул белән ашамагыз, дөреслектә сул кул белән шайтан ашыйдыр”, – ди.

Язмага реакция белдерегез

2

0

0

0

0

Реакция язылган инде

Комментарийлар

Мөһим

loading