Шәһри Казан

Быелгы гаетләр тарих битләренә язылыр

Кара җаннар кара алтын өчен кара каннар койган бүгенге чуалышлы көннәрдә безнең милләттәшләребез, дин кардәшләребез кулларны өзеп чеметтергән суыкта хәләл байлыкларын сарыф итеп, корбан чалдылар, мохтаҗларны сөендереп, корбан итләре өләштеләр, мәҗлесләр үткәрделәр. Сүз уңаеннан, шәһәребездә тагын бер мөселман яшьләре оешмасының борын төртеп килүе турында әйтеп үтәсем килә. Җиденче ноябрь көнне...

Реклама

Кара җаннар кара алтын өчен кара каннар койган бүгенге чуалышлы көннәрдә безнең милләттәшләребез, дин кардәшләребез кулларны өзеп чеметтергән суыкта хәләл байлыкларын сарыф итеп, корбан чалдылар, мохтаҗларны сөендереп, корбан итләре өләштеләр, мәҗлесләр үткәрделәр. Сүз уңаеннан, шәһәребездә тагын бер мөселман яшьләре оешмасының борын төртеп килүе турында әйтеп үтәсем килә. Җиденче ноябрь көнне үзләрен «Ихлас» дип атаучы бер төркем яшьләр Бауман урамындагы «Чәй йорты»нда йөзләгән кешене Коръән мәҗлесенә җыеп, корбан ите шулпасыннан авыз иттерде. Оешма лидерларының берсе Нияз Закиров әйтүенчә, күренекле җәмәгать эшлеклесе, «Мөслимә» мөселман хатын-кызлары оешмасы җитәкчесе Әлмира Әдиятуллина да мәҗлескә килеп, яшьләргә үзенең хәер-фатихасын биргән, Татар яшьләре форумының лидеры Тәбрис Яруллин исә яшьләргә дини чаралар уздырганда миллилегебез, татарлыгыбыз турында да онытмаска кирәклеген ассызыклаган.
Аллаһның рәхмәте белән, быел Гает бәйрәмнәре татар халкының күңелендә язылып калган тарихи көннәргә туры килде. Ураза гаете халкыбыз суверенитет турында декларация кабул иткән 30 август көненә туры килгән булса, Корбан гаете моннан ун ел элек Татарстан Конституциясе кабул ителгән 6нчы ноябрь көненә туры килде. Моның үзенә күрә бер хикмәте дә бардыр! Казан ханлыгы 1552 елда Явыз Иван гаскәрләре тарафыннан яулап алынганнан, дәүләтчелегебезне югалтканнан бирле бу ике Гаеттә тәүге тапкыр Ил башлыгыбыз, хөрмәтле Президентыбыз үз халкы арасында бәйрәм намазында катнашты. Бу үзе бер могҗиза түгелме?! 459 ел буена тилмереп көткән тарихи намазлар бит бу, милләттәшләрем! Ислам мәмләкәтләрендә мөселманнар бер-берсен суеп яткан, чолганышлар барган, үзебезнең суверенлыгыбыз сувенир хәленә төшерелгән, Конституциябезне дә Россиянеке белән судлар аша тәңгәлләштерүләренә юл куелып килгән бер дәвердә республикабыз башлыгының бу адымын чын мәгънәсендә могҗиза, батырлык итеп кабул итәргә кирәктер, минемчә!
Урамда ничек кенә суык булмасын, мөселманнар Татарстанның җәмигъ мәчете саналган «Мәрҗани» мәчетенең ишегалдына гына сыеша алмыйча, трамвай юллары үтә торган юл өстенә тиклем җыелганнар иде. Суык көндә Президентыбызның халкы арасында булуы, халкы белән бергә булуы күпләрнең туңган күңелләрен җылыткандыр, киләчәгебезнең якты булачагына ышаныч биргәндер. Динле Илбашыбыз киләчәктә дә халкыбызның ышанычын аклар, хәзерге авыр шартларда милләтебез һәм динебезне саклап калуда кулыннан килгәннең барысын да эшләр дип өметләнәсе, ышанасы килә! Бик килә! Республикабыз Мөселманнарының диния нәзарәте рәисе мөфти Илдус Фәйз: «Коръәндә, кавеме нинди - җитәкчесе шундый», - дип әйтелгән ди бит. Бу сүзләрдән чыгып, Ил башлыгыбызның намазга басуы да милләтебезнең динлелеген ассызыклый дигән сүз. Президентыбыз үзе үк үрнәк күрсәтеп торганда, аның бу күркәм гамәленнән үзебез дә үрнәк алыйк.

Нравится
Поделиться:
Реклама
Комментарии (0)
Реклама
  • 13 апрель 2018 - 15:47
    «Шәһри Казан» ат җигәргә өйрәтә
  • Спорт гимнастикасы буенча Россия чемпионатыннан ФОТОРЕПОРТАЖ 18.04.2018
  • Икенчел чимал һәм кием җыю буенча мобиль пункты акциясе. Фоторепортаж
  • Казанда язгы өмә старт алды
  • Иң яхшы хат ташучылар бүләкләүдән ФОТОРЕПОРТАЖ 12.04.2018
  • Яшел Үзән районы Татар Танае авылын су баскан! 11.04.2018
  • Алдавыч боз балыкчыларны куркытмый
  • Авыл хуҗалыгы ярминкәләреннән ФОТОРЕПОРТАЖ
  • Илфак Шиһаповның тууына 50 ел тулуга багышланган кичәдән ФОТОРЕПОРТАЖ 5.04.2018
  • Мәшәкате күп булса да, яз – яз инде ул...
  • Яз җитте бит!
Соңгы комментарийлар
Интервью
  • 20 апрель 2018 - 16:55
    «Россия – минем тарихым» проектын 5 500 000 кеше караган Федеральный исторический проект «Россия-Мояистория» уверенно перешагнул отметку 5,5 миллионов, анонсировав сразу несколько крупных рекордов в различных уголках страны. Среди них Санкт-Петербург, привлекший на экспозиции за 5 месяцев 300 000 человек, Пермь,Махачкала и Волгоград, преодолевшие отметку в 100 000 посетителей менее, чем за полгода с момента открытия и Тюмень, где каждый третий школьник области уже побывал в историческом парке.
    16
    0
    0
  • 12 март 2018 - 08:37
    Илсөя Бәдретдиновага роза чәчәге урынына Роза кушаматлы тавык бүләк иткәннәр (ВИДЕО) Илсөя Бәдретдинова бу көннәрдә гастрольләр белән Татарстан һәм Башкортстан буйлап сәяхәт кыла. Аның инстаграмына карасаң, билет сатып алып килгән тамашачы, күчтәнәчсез дә килми икән.
    753
    0
    1
  • 11 март 2018 - 12:00
    И, адәм балалары... Кайчагында мин үземне чит планета кешесе сыман тоям. Җирдә яшәгән бу кавемнең минем нәселемдә дәхеле дә юктыр сыман була. Кайдадыр галәмнең гүзәл җирендә яшәүче бик акыллы һәм бик яхшы кешеләр ниндидер йомыш белән Җиргә төшкәннәрдер дә аны кисәк ташлап китәргә мәҗбүр булып сабый балаларын, ягъни мине онытып калдырганнардыр. Ә Җир кешеләренең берәрсе шул сабыйны бала тудыру йортына алып килгәндер...
    589
    0
    7
  • 11 март 2018 - 09:00
    Алдакчыны ничек танырга? Тормышта төрле хәл була, кайвакыт күзгә карап алдарга да туры килә. Статистика буенча, кеше көне буена 50 тапкыр да алдарга мөмкин икән. Мондый кеше инде чын алдакчы булып чыга. Аларны ялган детекторы ярдәмендә тиз ачыкларга була, әлбәттә. Ә башкача ничек танырга? Күзәтүләр аша.
    439
    0
    0
Ночной режим