Шәһри Казан

Ковидка каршы вакцина ясатыргамы? Диния нәзарәте киңәше

"Чиктән тыш шартларда тыелганнар рөхсәт ителә". ТР мөселманнары Диния нәзарәте эпидемияләр чорында халыкка вакцина ясау мәсьәләсен шәригать ягыннан, шулай ук вируслар һәм йогышлы авырулар белән көрәшү буенча бөтенроссия тәҗрибәсен өйрәнде.

Алынган мәгълүматлардан чыгып, Татарстан мөселманнары Диния нәзарәте халыкны, шул исәптән мөселманнарны да, яңа коронавирус инфекциясеннән саклау максатыннан, вакцина ясату өлкәсендә заманча казанышларны куллануның рөхсәт ителүе турында хәбәр итә.

Реклама

Әлеге нәтиҗә кеше гомерен Аллаһы Тәгаләнең бөек бүләге (әманәт) буларак саклау кирәклеге турында белдерүче Коръән һәм Сөннәт, шулай ук шәригать принциплары һәм кагыйдәләре нигезендә чыгарылды. Принципларның берсендә: "Чиктән тыш шартларда тыелганнар рөхсәт ителә”,  – диелә. Шул рәвешле, прививканың составы нинди булуына карамастан, эпидемия шартларында гомерне саклау максатында мөселманнарга вакцина ясатырга мөмкин.
Шул ук вакытта Диния нәзарәте мөселманнарга, вакцина ясату турында карар кабул итү өчен, вирусологларга, иммунологларга һәм йогышлы авырулар белән көрәшү мәсьәләләрендә һәм алымнарында компетенцияләре булган башка медицина белгечләренә мөрәҗәгать итәргә һәм аларның тәкъдимнәренә колак салырга киңәш итә.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: