Шәһри Казан

Хаталарны оныгым аша төзәтәм

«Әллә нинди ял лагерьлары бар бит, ник шунда гына җибәрмисең оныгыңны? Дини лагерь нәрсә бирә инде ул? Ваһһабчы булып китсә балаң?»... Диннән ерак торган күрше хатынның әйткән әлеге сүзләренә ул вакытта җавап бирмәдем. Эчемдәге ачуым йөземә чыккандыр инде, ул да тиз генә күздән югалды. Кулыма каләм алуымның максаты - күрше...

Реклама

«Әллә нинди ял лагерьлары бар бит, ник шунда гына җибәрмисең оныгыңны? Дини лагерь нәрсә бирә инде ул? Ваһһабчы булып китсә балаң?»... Диннән ерак торган күрше хатынның әйткән әлеге сүзләренә ул вакытта җавап бирмәдем. Эчемдәге ачуым йөземә чыккандыр инде, ул да тиз генә күздән югалды. Кулыма каләм алуымның максаты - күрше кебек уйлаучыларга җавабым гыйбрәт булсын иде.
Мин улымны ялгыз үстердем. Әтисе үлгәч, бөтен назымны аңа бирдем. Хезмәт сөючән кеше үстерәм, дип, үземчә бар көчемне куйдым. Мәктәп елларында ул мине борчуга салмады, яхшы укыды. Тик татар телен генә бераз оныта төште. Ә баланың «чага» дигәне үскәч кенә күренә икән. Улым үзгәрде, дорфаланды - үтәр, дидем, чорга сылтадым. Җәй көне ял лагерьларына җибәрә идем. Имеш, гел күзәтү астында була. Балам аннан тагын да «кыргыйланыбрак» кайта башлады. Алай гына да түгел, башка диндәге кыз белән танышып, муенына ул бүләк иткән хачлы чылбырны да тагып куйды. Тәнен тишкәләп алкалар, тимерләр белән бизәде, рәсемнәр төшерде. Балам күз алдымда юлдан яза, ә мин - чарасыз. Ул вакытта диннең «д» хәрефе дә колакка кермәгән иде шул минем. Улымны, җил-яңгыр тидермичә, кеше итеп тәрбиялим, дип, иманлы бала тәрбияләргә онытканмын бит...
Мин баламны - яраткан улымны югалттым. Аннан юаныч булып эчкече марҗадан туган оныгым гына калды. Әти-әнисен белмәгән оныгымны тәрбияләү мине тормышка икенче күзлектән карарга өйрәтте. Пенсиягә чыгып, вакыт күплектән генә кызыксынып мәчеткә кергән җирдән мин инде мәдрәсә гыйлемен дә алырга өлгердем. Оныгымны да Ислам кушканча тәрбияләргә тотындым.
Диннең начарлыкка өйрәтмәве һәркемгә мәгълүм. Балабызның шикле секталарга, күршем әйткәнчә, ваһһабчылыкка китүен булдырмас өчен, әби-бабаларыбыздан калган традицион Ислам диненә өйрәтергә тиеш без. Әхлак тәрбиясе алыр өчен бирдем мин оныгымны мөселман лагерена. Андагы балаларның чиратлашып азан әйтүе, этешә-төртешә намаз тәртибенә өйрәнүләре күзгә яшь китерә. Яшьтән кергән гыйлем онытылмый бит. Дини гаиләләрнең дус-тату яшәүләрен күреп, үземнең динсез үткән тормышымны, бердәнбер малаемны гүргә керткән динсез тәрбияне уйлыйм. Ләкин үкенүдән файда юк, үткәнне кире кайтарып булмый шул. Улым белән җибәргән хаталарымны Аллаһы Тәгалә оныгым аша төзәтергә язган, күрәсең...

Теги: 250
Нравится
Поделиться:
Реклама
Комментарии (0)
Реклама
  • 13 апрель 2018 - 15:47
    «Шәһри Казан» ат җигәргә өйрәтә
  • «TMTV» музыкаль премиясе тапшыру тантанасыннан ФОТОРЕПОРТАЖ
  • Спорт гимнастикасы буенча Россия чемпионатыннан ФОТОРЕПОРТАЖ 18.04.2018
  • Икенчел чимал һәм кием җыю буенча мобиль пункты акциясе. Фоторепортаж
  • Казанда язгы өмә старт алды
  • Иң яхшы хат ташучылар бүләкләүдән ФОТОРЕПОРТАЖ 12.04.2018
  • Яшел Үзән районы Татар Танае авылын су баскан! 11.04.2018
  • Алдавыч боз балыкчыларны куркытмый
  • Авыл хуҗалыгы ярминкәләреннән ФОТОРЕПОРТАЖ
  • Илфак Шиһаповның тууына 50 ел тулуга багышланган кичәдән ФОТОРЕПОРТАЖ 5.04.2018
  • Мәшәкате күп булса да, яз – яз инде ул...
Соңгы комментарийлар
Интервью
  • 14 март 2018 - 14:51
    «Хәләл фермер» Ленар ЛАТЫЙПОВ: «Хатын сайлау берни түгел, сыер сайлап кара син!» Биектау районының Торнаяз авылында «хәләл фермер» белән танышып кайттык. Биш вакыт намазын калдырмаган, шәригать кануннары буенча яшәүче Ленар Латыйповлар гаиләсен күрше-тирәдә шулай атыйлар. Алар ун ел эчендә мөгезле эре терлек санын 250гә җиткергән. Республикада бу – иң күп мал асраучы гаилә фермасы.
    543
    0
    2
  • 14 март 2018 - 16:28
    Лаешта пычрак су «дефицит»ка әйләнәчәк Татарстанның Лаеш районы Чулман белән Идел елгалары кочагына урнашкан. Гаҗәеп матур җирләр.
    453
    0
    0
  • 14 март 2018 - 15:42
    «Гавайи» салаты ясау ЫСУЛЫ Бер порция өчен 40 гр айсберг яки пекин салаты (икесен бергә кушсагыз да була), 50 гр ысланган тавык, 40 гр консервланган ананас, кечкенә генә бер тырнак сарымсак һәм кыздырылган кара ипи кисәкләре кирәк.
    339
    0
    0
Ночной режим