Шәһри Казан

«Минем үземә, хәзрәт, кызым 30га җитте инде, тиңен таба алганы юк, дип еш әйткәлиләр»

Үз парын таба алмыйча йөрүчеләр арабызда шактый. Тиң парыңны табып гаилә кору хәзер җитди бер проблемага әйләнде дияргә була.

Ялгызлык проблемасы 70-80 елларда туганнар арасында аеруча актуаль. Казанның "Гаилә" мәчетендә узган түгәрәк өстәлдә катнашучыларның һәрберсе шундый фикердә тора. Бу юлы сөйләшүнең темасы да махсус сайланган - "Ялгызларга үз парларын табарга ничек ярдәм итәргә яки яучыларның эш алымнары". Очрашуга, әлбәттә, яучылык эше белән шөгыльләнүчеләр җыелган иде. Алар үзләре борчыган мәсьәләләр, киләчәктә нинди юнәлештә эшләргә һәм бу саваплы эштә бердәм булырга кирәклеге турында сөйләште.

«Гаилә» мәчете имам хатыйбы Рөстәм хәзрәт Хәйруллин сүзләренчә, мәчетнең исеме дә "Гаилә» булгач, биредә әлеге темага кагылышлы актуаль мәсьәләләр буенча сөйләшүләр еш оештырыла.

- Ялгызлык темасын да читләтеп үтә алмадык. Минем үземә үк, хәзрәт, кызым утыз яшенә җитте инде, тиңе таба алганы юк, дип еш әйткәлиләр. Яшьләрне ничек гаиләле итәргә? Бу максаттан ниләр эшли алабыз? Бу өлкәдә кемнең нинди тәҗрибәсе бар? - дип мөрәҗәгать итте ул әлеге өлкәдә эшләүчеләргә.

Казанның берничә мәчетендә таныштыру үзәкләре эшләп килә икән. Әмма аларның без күбесен белмибез. Шундыйлар арасында "Өметлеләр" мәчете дә бар. Аның имам хатибы Алмаз хәзрәт Сафин әйтүенчә, алар бу эш белән 2012 елдан ук шөгыльләнә. Шул вакыттан бирле аларга 184 кеше мөрәҗәгать иткән. Хатын-кызларның 85 проценты, ирләрнең 82 проценты - 70-80 нче елларда туганнар. Мәчеткә мөрәҗәгать иткән ун кеше гаилә корган. Тик шулай да, хәзрәт нәтиҗәләр алай куанырлык түгел дигән фикердә тора. Рөстәм хәзрәт Хәйруллин исә таныштыру эше белән шөгыльләнүче мәчетләр, яучыларның бердәм булып эшләргә тиешлеген әйтә.

- Бәлки, уртак бер база булдырырга кирәктер. Таныштыру эше бер мәчет белән генә чикләнмәсен иде. Без хәтта гаилә корырга теләүчеләргә кайсы мәчеттә махсус үзәк эшләвен дә белеп бетермибез икән бит. Очрашу алдыннан күп кенә мәчетләргә шалтыратып чыктык. Алар бу эшне башлаган да ташлаган. Булганнары да бер-берсе белән элемтәдә тормый. Берләшеп эшләсәк, эшебез нәтиҗәлерәк булыр иде, - ди хәзрәт.

Татарстан мөселманнары диния нәзарәтенең яшьләр эшләре бүлеге җитәкчесе Айгөл Биктимерова, таныштыру эшенең уңышлы баруы яучыларның активлыгыннан тора, ди.
- Яучы ул бик энергияле, кешеләрне, үз эшен яратырга тиеш. Бу вазифа бик җаваплы да. Анкета күрсәтеп кенә утырсаң, сиңа килгән кешедә бу җитди үзәк түгел икән дигән фикер дә туарга мөмкин, - ди ул.

Реклама

Анкета дигәннән, Алмаз хәзрәт Сафин анкетага нәсел-нәсәбе турындагы сорауны да кертергәдер, бәлки, ди. Халык арасында да бит: "Атасына карап - улын, анасына карап кызын коч", - дигән әйтем юктан гына барлыкка килмәгән. Аңа бәя нәселенә карап бирелә. Элекеге яучылар да яшьләрне белми генә яучыламаганнар. Нәсел-нәсәбәсе дә туры килүен исәпкә алганнар.

Рөстәм хәзрәт Хәйруллин исә улларын киленне, кызларына кияүне ата-аналар үзләре дә "күзли ала". Электән үк килгән бу вазифаны без онытып җибәрдек, ди ул.
«Гаилә» мәчетендә, «Гаилә учагы» проекты кысаларында, декабрь башында таныштыру үзәге ачылган. Бу эшне Нуршат хәзрәт Муллагалиев һәм аның хатыны Айгөл алып бара. Хезмәт бушлай күрсәтелә. Өч ай эчендә 35 ир-аттан, 24 хатын-кыздан анкеталар кабул ителгән. Нуршат хәзрәт фикеренчә, алга таба уңышлы гына эшләп китү өчен башка үзәкләрнең дә тәҗрибәсен өйрәнергә ниятлиләр.

«Сәгадәт» яшьләр хәрәкәте җитәкчесе Фәнияр Шәкүров сүзләренчә, алар үткәргән очрашуларга килүче егетләрнең яше 25ләр булса, кияүгә чыгарга теләүчеләрнең яше - 30дан арткан.
- 20-25 яшьлек кызлар кияүгә чыгарга ашыкмый, ә егетләрнең үзләреннән олырак кызларга өйләнәсе килми. Кызлар кияүгә чыгу турында иртәрәк уйлый башласын иде, гаиләдә әти-әни алаларга шуны төшендерергә тиеш, - ди ул.
«Сәгадәт» яшьләр хәрәкәте оешканга әле бер генә ел. Шул вакыт эчендә дүрт никах булган. Алар анкеталар тутырып кына калмый, яшьләр белән төрле тематик очрашулар үткәрә. Шундый чаралар вакытында кеше үзен яхшырак күрсәтә ала дигән фикердә тора Фәнияр.

Таныштыру үзәкләренә мөрәҗәгать итәргә теләүчеләр өчен: "Гаилә" мәчетендә "Гаилә учагы" төркеменә (vk.com/gailya_uchagi) яза яисә Нуршат хәзрәт Муллагалиев (https://vk.com/id74681486) белән элемтәгә керә ала. Сорауларны 8 937 002 10 74 (ирләр өчен) һәм 8 937 521 19 28 (хатын-кызлар өчен) телефоннарына шалтыратып бирергә мөмкин. Хезмәт бушлай күрсәтелә.

"Өметлеләр" мәчетендә дә бу хезмәт түләүсез. Анкеталарны islamsemya.ru сайтында калдыра аласыз. Телефоннары: 8-927-429-1015.

Фото: islam.ru

Нравится
Поделиться:
Реклама
Комментарии (0)
  • 25 февраля 2018 в 15:12
    Әнгам Атнабаев шигырьләре Әнгам Атнабаев: «Менә шулай» Көн дә иртән «Великая Русь» дип, Уяталар урыс чаңнары… Менә тагын урыс кышы җитте, Көрәп ява урыс карлары.
    76
    0
    1
  • 25 февраля 2018 в 12:22
    Татарларда туй йолалары Татарларда – туй иң зур гаилә бәйрәме. Байлар, урта хәллеләр турында әйтеп тә торасы юк, хәтта ярлылар да, үз якыннарын кунак итәр өчен, соңгы тиенен дә кызганмыйлар. Шундый затлы мәҗлестә миңа иң кадерле кунак сыйфатында түрдә утырырга туры килде.
    79
    0
    2
  • 25 февраля 2018 в 10:35
    Агросәнәгать паркының беренчесе Зәйдә булачак Татарстан Президенты үзенең еллык юлламасында районнарда агросәнәгать паркларын булдыру турында әйткән иде. Әлеге мәсьәләдә нинди яңалыклар бар икән? Беренче парклар кайда ачылачак? Илнур Абдуллин, Биектау.
    65
    0
    0
  • 25 февраля 2018 в 09:12
    Без русчаны татар теле аша өйрәндек Без мәктәптә фәннәрне татарча укыдык. Әлки районының Төгәлбай авылында 1930 елларда колхозлар оешкач, беренче мәктәп ачыла. Югары белемле мөгаллим Сөнгатулла Муллинны әле дә хәтерлим. Мәктәптән тыш, теләгән кешеләрне ул кичләрен җыеп укырга өйрәтә иде. Мин 1945 елда беренче сыйныфка кердем. 
    62
    0
    0
  • 24 февраля 2018 в 18:43
    Салават Фәтхетдинов: “Туган якны сагынып елый идем” “Армиядә хезмәт итеңме?” – дигән сорау мине һәрчак кыен хәлдә калдыра, чөнки мин “стройбатта”, акча эшләп яттым.
    262
    0
    2
  • 24 февраля 2018 в 13:17
    «Алкаш ясыйсыз бит инде...»  Элегрәк булган бу хәл. Әле татарлар эчү белән хәзерге замандагы кебек бик нык мавыкмаган чакларда булган, диләр.
    211
    0
    2
  • 24 февраля 2018 в 13:14
    337
    0
    4
  • 24 февраля 2018 в 12:09
    Уяну Бу тарихны безгә алкоголизмнан дәваланган ханым сөйләде. 
    210
    0
    2
  • 24 февраля 2018 в 11:08
    Помидорның ниндиен сайларга? Баллы помидорлар (черри сортлары): Бусинка, Сладкий фонтан, Волшебная арфа, Черри Ира, Чезаре (F1 гибридлы сортлар).
    221
    0
    1
  • 24 февраля 2018 в 10:05
    Акыллы кеше аздан гына да бәхетле, ә ахмакка һәрвакыт җитми Иҗат – гүзәл гамь ул, иң югары дәрәҗәдәге изге тынгысызлык ул.  Хәсән Туфан.
    95
    0
    0
  • 24 февраля 2018 в 05:11
    Сәламәтлек комбинаты урынында нәрсә булачак? Шәһәр уртасында бөтен кеше яратып йөргән Сәламәтлек комбинатын җир белән тигезләп куйдылар. Хәзер ул урынны койма белән уратып алганнар. Монда нәрсә булачак икән? Берәр сәүдә күңел ачу үзәге төзергә уйлыйлармы, әллә комбинатны яңартачаклармы?  Сөләйман Шакиров, Казан.
    162
    0
    0
Реклама
  • 16 января 2018 в 18:39
    Илфак Шиһапов истәлегенә
  • «Килә ява, килә ява...»: иске спектакльнең яңа премьерасы
  • Дәүләт Советы сессиясеннән ФОТОРЕПОРТАЖ 20.02.2018
  • Казанның Аккош күлендә Май чабу бәйрәмен үткәрделәр (ФОТОРЕПОРТАЖ)
  • Россия чаңгысы-2018. Юдино бистәсеннән фоторепортаж
  • Фәнис Ярулинның тууына 80 ел тулды
  • 2018 ел кышы рекорд куйды (5 февраль)
  • Ай тотылган төндә 31.01.2018
  • "Татмедиа" Республика матбугат һәм гаммәви коммуникацияләр агентлыгының киңәйтелгән утырышыннан ФОТОРЕПОРТАЖ
  • «Татарстан гүзәле» бәйгесеннән ФОТОРЕПОРТАЖ
  • Казанны кар басты
Соңгы комментарийлар
Интервью
  • 22 февраля 2018 в 15:34
    Фирдүс Тямаев: «Минем җырлар тарихка кереп калды инде» Сәхифәбезнең бүгенге кунагы – татар эстрадасының иң популяр җырчыларының берсе Фирдүс ТЯМАЕВ. Үзенә генә хас харизмы, темпераменты, кызулыгы булган, шул ук вакытта хисчән һәм чын мәгънәсендә халык мәхәббәтен яулаган җырчы белән без аның юбилееннан соң күрештек.
    384
    0
    2
  • 18 февраля 2018 в 09:00
    Ләйсән Фәйзуллина: «Мин – ирекле шәхес» Галиәсгар Камал театрында барган «Миркәй белән Айсылу», «Җилкәнсезләр», «Мәхәббәт FM», «Көтәм сине» спектакльләре аша таныш булган яшь актриса Ләйсән Фәйзуллина үзенчәлекле рольләр белән генә түгел, кызыклы, тирән шәхес буларак та үзенә җәлеп итә. Бүген аның һөнәренә, тормышка карата фәлсәфи уйлары, киләчәккә омтылышлары турында сорашырга, Ләйсәнне шәхес буларак ачарга тырыштык.
    488
    0
    1
  • 14 февраля 2018 в 15:00
    Яучы Наилә Җиһаншина: «50 яшькә җиткән ирләр бала табар яшьтәге хатын-кыз эзләп килә» Гомерлек яр табу замана белән тәңгәл килмәстәй катлаулы мәсьәләгә әйләнеп бара кебек, әмма моннан котылуның берәр чарасы булырга тиештер бит. Россия Мөселман хатын-кызлар берлеге рәисе, Дәүләт Думасының гаилә, хатын-кызлар һәм балалар эшләре буенча комитеты эксперт советы әгъзасы яучы Наилә Җиһаншина белән шул турыда әңгәмә кордык.
    879
    0
    2
  • 25 февраля 2018 в 16:08
    Сине бар да “яратачак”, алтын медаль алмасаң
    Җилдән җитез унбиш яшьлек кыз бала катлаулы элементлар ясап, боз өстенә бизәкләр төшереп, миллионлаган спорт сөючене шатландырып чыгыш ясаганда тыныч күңел белән карап утырып буламыни ул! Бу бит беренче, күптән көтелгән алтын, аяк чалучылар корган киртәләрне ватып-җимереп  күпләрнең авызын томалар өчен җавап!
    409
    0
    6