Шәһри Казан

Рәхмәтле булыйк

Изгелек җирдә ятмый, диләр. Без дога кылып, изге теләк теләп, Аллаһы Тәгаләдән нәрсә дә булса сораганда, күкләрдә ниләр була икән?

Реклама

Бер көнне төш күрәм. Мин күккә күтәрелгәнмен имеш, чын менә. Яныма канатларын җилпеп фәрештә дә очып килеп җитте. Миңа күктә ниләр барлыгын күрсәтергә, ягъни экскурсия үткәрергә икән исәбе. Шундый ягымлы, чибәр экскурсовод ярдәмендә ничек танышмыйсың ди күктәге хәлләр белән. Кузгалып киттек, янәшә барганда зур бер залга килеп чыктык. Анда бик күп фәрештәләргә тап булдык.
- Менә бу кабул итү бүлмәсе. Без монда Аллаһыдан дога кылып сораган үтенечләрне эшкәртәбез, - диде мине озатып йөрүче мөлаем фәрештәм.
Мин кызыксынып әйләнә-тирәгә күз салдым. Монда бик күп фәрештәләр төрле калынлыктагы, төрле зурлыктагы кәгазьләрне тәртипкә салалар. Алар арасында дөньяның төрле җирләреннән җибәрелгән кәгазь төргәкләре дә, хатлар да, кечкенә генә запискалар да бар.
Аннан без озын коридор буйлап киттек. Барганда тагын бер залга килеп чыктык.
- Ә менә монда төргәкләү һәм тарату бүлеге. Биредә Аллаһының кешеләргә булган юмартлыгы һәм мәрхәмәте. Кешеләр ни сораган булсалар, иртәме-соңмы, барысы да шушы бүлек аша узып, ияләренә барып ирешә.
Монда да бик киеренке эш бара. Фәрештәләр тырыша-тырыша җиргә җибәрергә дип нәрсәләрдер әзерләп мәш киләләр. Кешеләрнең үтенечләре шулкадәр күп, шулкадәр зурдыр дип һич уйламаган идем.
Инде экскурсиябез соңында озын коридорның ахыргы кечкенә генә бүлмәсенә күз салдык. Минем гаҗәпләнүемә каршы, монда бер генә фәрештә утырып тора. Җитмәсә, әле үзенең эшсезлектән интеккәнлеге дә сизелә.
- Ә монысы инде Рәхмәтләрне кабул итү бүлеге, - диде минем фәрештәм, бераз оялыбрак.
- Ничек инде, монда бернинди дә эш юкмыни? - дип аптырап сораганымны сизми дә калдым.
- Шулайрак шул, - дип авыр сулады фәрештә. - Кешеләр үзләре сораган әйберләрне алганнан соң бик азлары гына рәхмәтләрен белдерәләр.
- Ә рәхмәтне ничек ирештерергә соң? Бәлки ул шактый катлаулыдыр, - дидем мин, акланырга тырышып.
- Бу бик җиңел, - диде фәрештәм. - Бары тик: «Рәхмәт, Аллам!» - дип әйтергә генә кирәк.
- Кешеләр Аллаһы Тәгаләнең нинди юмартлыклары, мәрхәмәтлекләре өчен рәхмәт белдерергә тиеш соң?
Әгәр суыткычыңда ризыгың, кияргә киемең, баш очыңда түбәң һәм йокларга урының бар икән, димәк, син дөньядагы барлык халыкның 75 процентыннан баерак! Әгәр банкта яки янчыгыңда бераз акча бар икән, вак-төяккә дип хезмәт хакыңның бер өлешен җыеп та барасың икән, димәк, син бу дөньяның 8 процентын тәшкил иткән иң бай кешеләре сафында. Әгәр бу язманы укыйсың икән, инде син Аллаһы тарафыннан икеләтә мәрхәмәткә ирештең дигән сүз. Чөнки Җир йөзендә 2 миллиард кеше бөтенләй укый белми. Сиңа хәерле көннәр телим. Аллаһы ярдәме белән үзеңнең нинди игелеккә ирешкәнеңне, сине дә, башка кешеләрне дә Раббыбызның ничек яратуын истән чыгарма. Һәм инде рәхмәт сүзләрен белдерү өчен адресны, рәхмәтләрне кабул итү бүлеге барлыгын онытма, - дип елмайды минем фәрештәм.

Теги: 250
Нравится
Поделиться:
Реклама
Комментарии (0)
Реклама
  • 13 апрель 2018 - 15:47
    «Шәһри Казан» ат җигәргә өйрәтә
  • Спорт гимнастикасы буенча Россия чемпионатыннан ФОТОРЕПОРТАЖ 18.04.2018
  • Икенчел чимал һәм кием җыю буенча мобиль пункты акциясе. Фоторепортаж
  • Казанда язгы өмә старт алды
  • Иң яхшы хат ташучылар бүләкләүдән ФОТОРЕПОРТАЖ 12.04.2018
  • Яшел Үзән районы Татар Танае авылын су баскан! 11.04.2018
  • Алдавыч боз балыкчыларны куркытмый
  • Авыл хуҗалыгы ярминкәләреннән ФОТОРЕПОРТАЖ
  • Илфак Шиһаповның тууына 50 ел тулуга багышланган кичәдән ФОТОРЕПОРТАЖ 5.04.2018
  • Мәшәкате күп булса да, яз – яз инде ул...
  • Яз җитте бит!
Соңгы комментарийлар
Интервью
  • 20 апрель 2018 - 16:55
    «Россия – минем тарихым» проектын 5 500 000 кеше караган Федеральный исторический проект «Россия-Мояистория» уверенно перешагнул отметку 5,5 миллионов, анонсировав сразу несколько крупных рекордов в различных уголках страны. Среди них Санкт-Петербург, привлекший на экспозиции за 5 месяцев 300 000 человек, Пермь,Махачкала и Волгоград, преодолевшие отметку в 100 000 посетителей менее, чем за полгода с момента открытия и Тюмень, где каждый третий школьник области уже побывал в историческом парке.
    22
    0
    0
Ночной режим