Шәһри Казан

«Танышабызмы?»

Хәтеремдә, беренче тапкыр район газетасыннан «Шундый, шундый кыз/егет белән танышырга телим», - дигән белдерү укыгач, бик гаҗәпләнгән идек. Янәсе, ничек инде белдерү аша хатын йә ир эзләргә кирәк?! Берәр атна әби-чәбиләр белән гөрләшеп яңалыкны «обсуждать» иткәннән соң, халык та тынды - ияләште тагын.

Реклама

Хәзер инде танышу чараларының ниндие генә юк. Танышырга теләүчеләрнең дә яшьләре төрле: 13-15 яшьтән башлап 70 яшьлекләре дә пар эзли. Ялгызлар үз тиңнәрен төнге клубларда, театр-киноларда, интернетта аулый. Соңгысы инде күптәннән модада. Ник, компьютер мониторы аша гына меңләгән кыз арасыннан үзеңә килеш-килбәте белән ошаганын табу җайлы бит. «Кәттә» фотосурәтеңне куйсаң, берне түгел, унны эләктерү бәхетенә дә ирешә аласың. Кызганыч, чынбарлыкта күрешү генә барысын да җимереп ташлый. Монитор артындагы кыз белән каршыда басып торганы җир белән күк аермасы кебек: фотода матуррак иде бугай, сөйләшүе дә икенче... Сүз дә юк, интернет челтәре аша танышып үз ярларын табучылар, гаилә коручылар да хәйран бүген. Ләкин әлеге танышу ысулының тарихы әле сай булганлыктан, статистика турында сүз йөртүе кыен.
Интернетның әлеге файдасын мөселман егетләре дә тиз үз иттеләр. Исәнләшү-хәл белешүнең ни икәнен дә онытып, беренче смс-хатларында ук кияүгә чыгарга тәкъдим ясый кайберләре. Башка егетләр айлар буе әйтергә әзерләнеп йөргән сүзләрне, күңеленә хуш килгән һәр мөслимә «почта»сына «салып» калдыра алар. Ә бәлки берәрсе ризалашыр? Һәм ризалашалар да... Ә риза булмаганы - имансыз, дингә тап төшерүче, Аллаһны бар дип танымаучы, имеш... Иң кызыгы шунда, әлеге «егет»ләрнең яше инде күптәннән 40ны узган. «Мөхәммәд Пәйгамбәр (с.г.в.) 9 яшьлек кызны да хатынлыкка алган», - диярсез сез. Нишләп соң алар башка яктан да Пәйгамбәребездән үрнәк алмый икән алайса?
Үземә дә очрады андый «акыллы башлар». Беркөнне «Вконтакте»да утырганда, берәүдән хат килде: «Мин 1956 елгы, аерылган. Үземә хатын эзлим. Аллаһ кушканча, Мөхәммәд Пәйгамбәр (с.г.в.) үрнәгендә яшим. Хәтта Пәйгамбәр кебек ихрам (хаҗ киеме) да киеп йөрим, минем кебекне башка таба алмассың»... Җавап күренмәгәч, икенче хаты да озак көттермәде: «Мин беренче адымны ясадым, ризалаш, үкенәсең», - ди бу. Болай да теләгән нәтиҗәсенә ирешә алмагач: «Иптәш кызларыңа, бәлки, ир кирәктер?» - дип, өченче тапкыр бәхетен сынарга булды «киявем». Көлке! Ихрам киеп, яшь кызлар каратмакчымы бу?! Оныгына ярардай хатын кирәк булган!
Динне үз файдаларына оста бора белә шул кайберәүләр, ни кызганыч. Җайлы бит, кыз өчен көрәшергә, үзеңә карату өчен тырышырга кирәкми. Бер-ике тапкыр күрештең дә, вәссәләм, никах. Шуңа да мөселманнар арасындагы аерылышу очраклары да сирәк күренеш түгел хәзер.
Сер түгел, Пәйгамбәребез (с.г.в.) заманы белән чагыштырганда, бүгенге көндә безнең иман ныклыгы күпкә аксый. Шуңа күрә дин тоткан кешеләрнең барысы да яхшы дигән сүз дөреслеккә бик үк туры килми. Кешене әйбәтләп өйрәнү, сынау әле беркемгә дә зарар итмәгән бит. Ләкин «Вконтакте»да гына утырып, бер белмәгән кешене өйрәнү мөмкинме икән соң? Ай-һай...
Ә бәлки танышыңның 7 буынга кадәр белгән кешесен пар итәргәдер? Китаплардан гына укып белгән яучы-димчелекне әйтүем. Мондый танышу-таныштырулар электән үк татар-мөселман гаиләләренә хас булган бит. Нәтиҗәсе дә куанычлы: нык, тату, озын гомерле гаиләләр туган. Өлкәннәрнең сүзенә колак салмыйча, «заочно» гына танышып, 1-2 ай йөргән егет яки кызны яр итүгә караганда, бу ысул уңышлырактыр да, минемчә.
Гомумән, мөселман егет-кызлары ничек кенә танышсалар да - интернеттамы яисә чынбарлыктамы - бер-берсен яхшырак белү максатыннан, озаграк вакыт аралашырга кирәктер. Үзеңә тиң яр сайлау өчен вакыт кызгану җүләрлек. Хәтта кибеттәге аяк киемен дә беренче кулга эләккәнен алмыйбыз: тегеләй-болай боргалап карыйбыз, чыдамлыкка тикшерәбез. Бу да шуның кебек. Яраклылык вакыты гомерлек булган гаилә төзисең килсә, үзеңә ярны ашыкмыйча сайла. Бар таләпләрен туры китереп эш итсәң, моның гөнаһы юк бит.
Гөлназ (21 яшь, кияүдә):
- Минемчә, никахка кадәр 3 ай бер-береңне белергә, өйрәнергә кирәк. Кеше күп булган җирләрдә очрашырга яисә телефон аша аралашырга була. Бер-береңә күбрәк сораулар бирү дә комачау итми: балачактан алып бүгенге көнгә кадәрге кызыклы фактлар, тормышка караш, принциплар, планнар, идеаллар... Мондый аралашу барышында һәркем үзе өчен нәтиҗә ясый: бу кеше минем тәкъдиремме, юкмы? Моны аңлау өчен күп вакыт кирәк түгел.
Алсу (23 яшь, кияүдә түгел):
- Чыннан да, тормыш иптәшен сайлау - гаять җаваплы адым. Ул бит тормышта терәк, булачак балаларыбызның атасы, Аллаһ ризалыгына ирешүгә сәбәпче бәндә. 2-3 ай элек кенә синең өчен ят булган кешене син белеп бетерә алмыйсың, ул тора-бара гына ачыла башлый. Иң беренче һәм иң мөһиме - үзеңә пар итәсе кешенең калеб чисталыгы. Ә күпләр «сайраган» мәхәббәт ул Аллаһтан бәрәкәт буларак иңәчәк.
Ришат (25 яшь, өйләнмәгән):
- Никах бит ул уен нәрсә түгел. Берничә тапкыр гына күргән кызга өйләнеп булмый бит инде. Хәтта дуслар таныштырган кызны да якыннанрак өйрәнергә кирәк. Дус-туганнары кем, холкы нинди, тормыштагы максатлар туры киләме... Моңа ирешү өчен хәләл ысуллар җитәрлек бит. Кызның үзеңә туры килүендә аз гына булса да шикләнәсең икән, сынауны дәвам итәсең. Озак йөрдек инде, дип кенә өйләнеп булмый ич. Гомер буе үкенеп яшәгәнче, уйлап эш итүең хәерлерәк.

Теги: 250
Нравится
Поделиться:
Реклама
Комментарии (0)
Реклама
  • 13 апрель 2018 - 15:47
    «Шәһри Казан» ат җигәргә өйрәтә
  • Спорт гимнастикасы буенча Россия чемпионатыннан ФОТОРЕПОРТАЖ 18.04.2018
  • Икенчел чимал һәм кием җыю буенча мобиль пункты акциясе. Фоторепортаж
  • Казанда язгы өмә старт алды
  • Иң яхшы хат ташучылар бүләкләүдән ФОТОРЕПОРТАЖ 12.04.2018
  • Яшел Үзән районы Татар Танае авылын су баскан! 11.04.2018
  • Алдавыч боз балыкчыларны куркытмый
  • Авыл хуҗалыгы ярминкәләреннән ФОТОРЕПОРТАЖ
  • Илфак Шиһаповның тууына 50 ел тулуга багышланган кичәдән ФОТОРЕПОРТАЖ 5.04.2018
  • Мәшәкате күп булса да, яз – яз инде ул...
  • Яз җитте бит!
Соңгы комментарийлар
Интервью
  • 22 апрель 2018 - 09:15
    Үрнәк йорт нинди була? 
    Сезнең үрнәк йорт күргәнегез бармы? Аны нинди дип күз алдына китерәсез? Ул башкалардан нәрсәсе белән аерыла да, аңа гына хас нинди үзенчәлекләре бар? Без дә шушы сорауларыбызга җавап табарга дип, Казанның Ямашев урамындагы 74нче йортка юл алдык, чөнки әлеге йортны барып күрергә җитди сәбәп бар иде. Узган атнада аңа рәсми рәвештә «үрнәк йорт» (дом образцового содержания) статусы бирелде.
    49
    0
    0
  • 13 март 2018 - 14:23
    Интернетта Хәния Фәрхинең гаиләсендәге вакыйгага бәйле ВИДЕО пәйда булды 2016 елның җәендә Хәния Фәрхинең кызы Алсу 18 яшендә кияүгә чыккан иде.
    13287
    1
    33
  • 13 март 2018 - 13:11
    «Ни хакым бар минем яшәргә?!» «Ун ел гомеремне заяга уздырдым, - дип уфтанып башлады Айдар сүзен. - Тамагымнан ризык үтмәде, кулым эшкә бармады. Бер караганда гаебем дә юк кебек, әмма дүрт-биш айлык сабыйны көпә-көндез пуля белән тишкән адәмнең җирдә яшәргә ни хакы бар соң?!»
    1064
    0
    5
  • 13 март 2018 - 10:52
    Сайлау көнне рәхәтләнеп бәйрәм итәчәкбез Казанда 2018 елның 1 гыйнварына 906 мең 586 сайлаучы исәпләнә. Россия Федерациясе Президентын сайлаулар көнне, ягъни 18 мартта 450 сайлау участогы эшләячәк. «Эшлекле дүшәмбе»дә сайлау көнен ничек итеп бәйрәмгә әйләндерү турында сөйләштеләр.
    485
    0
    0
Ночной режим